Oct 21

රිෂාඩ්ගේ පෙත්සම ඉදිරියට පවත්වා ගෙන යනවාද නැද්ද, ප්‍රශ්නයක් ඇවිත්


පාර්ලිමේන්තු මන්ත්‍රී රිෂාඩ් බදියුදීන් අත්අඩංගුවට ගැනීම වළක්වන අතුරු තහනම් නියෝගයක් නිකුත් කරන්නැයි අභියාචනාධිකරණයට ගොනුකර තිබූ පෙත්සම සලකා බැලීම මෙම නොවැම්බර් 6 වැනිදාට කල් තැබිණි.

කුමුදුනී වික්‍රමසිංහ සහ සුබෝධ රාජකරුණා යන අභියාචනාධිකරණ විනිසුරු මඩුල්ල හමුවේ ඊයේ (20 වැනිදා) මෙම පෙත්සම කැඳවන ලදී.

අපරාධ පරීක්ෂණ දෙපාර්තමේන්තුව විසින් මේ වනවිට රිෂාඩ් බදියුදීන් අත්අඩංගුවට ගෙන රිමාන්ඩ් භාරයට පත්කර ඇති බැවින් පෙත්සම තවදුරටත් ඉදිරියට පවත්වා ගෙන යනවාද නැද්ද පිළිබඳව ඔහුගෙන් උපදෙස් ලබාගෙන පසුව අධිකරණයට දැනුම් දෙන බව ඔහු වෙනුවෙන් පෙනී සිටි ජනාධිපති නීතිඥ ෆයිස් මුස්තාපා පැවැසීය.

පෙත්සම සලකා බැලීම කල් දැමීමට විනිසුරු මඩුල්ල තීරණය කළේ ඉන් අනතුරුවය. පෙත්සමේ වගඋත්තකරුවන් වන වාණිජ අපරාධ පොලිස් ඒකකයේ ප්‍රධානී නිරෝෂිනී හේවාපතිරණ, වැඩබලන පොලිස්පති සී.ඩී. වික්‍රමරත්න, අපරාධ විමර්ශන දෙපාර්තමේන්තුවේ නියෝජ්‍ය පොලිස්පති එස්.පී. රණසිංහ ඇතුළු පොලිස් නිලධාරීන් 06 දෙනා ඊයේ (20 වැනිදා) උසාවියේ පෙනී නොසිටි බැවින් ඔවුන්ට යළි නොතිසි නිකුත් කරන ලෙසද අභියාචනාධිකරණය නියෝග කළේය.

නීතිපති වෙනුවෙන් නියෝජ්‍ය සොලිසිටර් ජනරාල් නෙරිස් පුල්ලේ පෙනී සිටියේය. පෙත්සමේ පදනමක් නැති බැවින් විභාගයක් පවත්වන්නේ නැතිවම පෙත්සම අහක දමන ලෙස ඔහු ඉල්ලා සිටියේය.

සරත් ධර්මසේන
ඔබේ ප්‍රතිචාරය කුමක්ද?

Gossip Lanka | Gossip Lanka News | Lanka Gossip | Sinhala News

2013-2020 Gossip-LankaNews.com Email: editor(at)gossip-lankanews.com
Advertising: Contact Here Editor: Contact Here
All the content on this website is copyright protected.
www.Gossip-LankaNews.com is a Sri Lankan online news website with rich content of 24 hours updated Sri Lankan and world news Reporting in English and Sinhala language. Gossip Lanka is The premium exclusive Sri Lankan Online News Network providing around the clock breaking news in local, international, world, politics, sports, entertainment, hot gossip, event photos and Videos. We provide Sri Lanka news, Latest News updates and information, Sri Lanka Business News, Breaking news and updates, celibrity Gossip , Sri Lanka cricket news, Business and finance news, A collection of news items from many sources, Stock Market News and Discussions, Balanced Independent news provider, Breaking Hot News from Sri Lanka, Entertainment hot gossip update throughout the day, include Sri Lanka news paper articles written in Sinhala and English Language like lankadeepa, lakbima, rivira, adaderana, nethfm, mawbima, divaina, hirunews, hiru gossip, dinamina, sundayleader, dailymirror, srilankamirror, dailynews, newsfirst, lankacnews.