Aug
21
"ජනාධිපතිගේ රාජාසන කතාව අතිශය බියකරුයි, දැවැන්ත පසුබෑමකට සුදානම් විය යුතුයි"
ජනාධිපති ගෝඨාභය රාජපක්ෂ මහතා විසින් නවවැනි පාර්ලිමේන්තුව ආරම්භ කරමින් සිදුකළ රාජාසන කතාව අතිශයින් බියකරු එකක් යැයි හිටපු පාර්ලිමේන්තු මන්ත්රී මංගල සමරවීර මහතා සඳහන් කරයි.
එය බහුතරවාදී දැක්මක් මත පදනම් වූවක් බවත් එම තත්ත්වය ශ්රී ලංකාව දැවැන්ත පසුපස පිම්මකට සූදානම් විය යුතු බවත් එම බියකරු සිහින සනාථ කරන බව හිටපු ඇමතිවරයා පවසයි.
ඔහු මේ බව සඳහන් කරන්නේ තම සමාජ ජාල ගිණුමේ සටහනක් තබමිනි.
ක්රීඩා අමාත්ය නාමල් රාජපක්ෂ මහතා විසින් පත්කරන ලද නව ක්රීඩා උපදේශක සභාව ගැන සුභ පතමින් ඔහු සඳහන් කර ඇත්තේ එය මෑත කාලයේ පත් කරන ලද හොඳම ක්රීඩා උපදේශක සභාව බවයි.
