Sep
29
මිරිස් කුඩු ගසා ත්රිරෝද රථයක් පැහැර ගැනීමට උත්සහ කළ යුවළක් අල්ලයි
ත්රිරෝද රථයකින් කුලී ගමනක් යන මුවාවෙන් ගොස් එම ත්රිරෝද රථය පැහැරගැනීමට උත්සහ කළ යුවළක් අත්අඩංගුවට ගෙන තිබෙනවා.
ඊයේ (28) පස්වරුවේ මෙම සිදුවීම සිදුව ඇත්තේ හෙම්මාතගම ප්රදේශයෙන්.
හෙම්මාතගම නගරයේ ත්රිරෝද රථයකින් සිංහරාජ ගම්මානය ප්රදේශයට කුලී ගමනක් යන මුවාවෙන් ගොස් එම මාර්ගයේ පාලු ස්ථානයකදී එහි රියදුරාට මිරිස් කුඩු ප්රහාරයක් එල්ල කර තියුණු ආයුධයකින් පහර දී ත්රිරෝද රථය පැහැර ගැනීමට උත්සහ කර ඇති බවයි වාර්තා වන්නේ.
එහිදී ත්රිරෝද රථ රියදුරුගේ කෑගැසීමත් සමඟ රථය පැහැරගැනීමට පැමිණි යුවළ පලාගොස් ඇති අතර ප්රදේශවාසීන් එක්ව ඔවුන් දෙදෙනා අල්ලා පොලිසිය වෙත භාර දී තිබෙනවා.
අත්අඩංගුවට ගැනුණු සැකකරු මාවනැල්ල ප්රදේශයේ පදිංචි 22 හැවිරිදි තරුණයෙක් වන අතර සැකකාර කාන්තාව තණමල්විල පදිංචි 28 හැවිරිදි වියේ පසුවන්නියක්.
55 හැවිරිදි ත්රිරෝද රථ රියදුරෙක් මෙම සිදුවීමට මුහුණ පා ඇති අතර ඔහු මේ වනවිට රෝහල් ගතව ප්රතිකාර ලබනවා.
සිද්ධිය සම්බන්ධයෙන් වැඩිදුර පරික්ෂණ හෙම්මාතගම පොලිසි මඟින් සිදුකරනු ලබනවා.
