Sep 24

කොවිඩ් ආසාදනය වූ රුසියානුවා ඇතුළු පිරිස ගැන සෞඛ්‍ය බලධාරීන් පෙර දැනුවත් කර නැහැ


මාතර, පොල්හේන ප්‍රදේශයේ සංචාරක හෝටලයකට පැමිණි සිටි රුසියානු ජාතික ගුවන් යානා කාර්ය මණ්ඩලය සම්බන්ධයෙන් කිසිදු තොරතුරක් ප්‍රදේශයේ මහජන සෞඛ්‍ය පරීක්ෂකවරුන් වෙත හෝ සෞඛ්‍ය බලධාරීන්ට පෙර දැනුවත් වීමක් කොට නොමැති බව ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමයේ සභාපති උපුල් රෝහණ ප්‍රකාශ කර සිටිනවා.

ඔහු සඳහන් කළේ රුසියානු ගුවන් සේවයට අයත් යානයක කාර්ය මණ්ඩලය ලෙස කටයුතු කර ඇති මෙම පුද්ගලයින් 15 දෙනා මාතර ප්‍රදේශයේ හෝටලයක නවාතැන් ගෙන ඇති බවත් එහිදී ඔවුන් සාමාන්‍ය සංචාරකයින් ලෙස ත්‍රිරෝද රථ යොදා ගනිමින් ප්‍රදේශයේ පිහිටි සුපිරි වෙළද සංකීර්ණ ඇතුළු ස්ථාන රැසක සංචාරය කොට ඇති බවට තොරතුරු ලැබී ඇති බවයි. එමෙන්ම එම පිරිස ආගිය ස්ථාන සහ ඔවුන් නිරාවරණය වූ පිරිස් සම්බන්ධයෙන් වූ සත්‍ය  තොරතුරු මෙම ගුවන් යානා කාර්ය මණ්ඩලය විසින් ලබා නොදීම ගැටළුවක් බවද ඔහු කියා සිටියා.

පසුගිය 13 වෙනිදා ඉන්දියාවේ බැංගලෝර් හි සිට මත්තල ජාත්‍යන්තර ගුවන් තොටුපොළ දක්වා පැමිණ ඇති බවත් පසුව එහි සිටි 15 දෙනෙකු ගෙන් යුත් කාර්ය මණ්ඩලය ඉන්දියාවේදී PCR පරීක්ෂණ සිදුකොට පැමිණ ඇති අතර එහිදී ඔවුන්ට කොරෝනා වෛරසය ආසාදනය වී නොමැති බවට තහවුරු කර වාර්තා ඉදිරිපත් කරතිබෙනවා.

පසුව මෙම පිරිස පෞද්ගලික වාහන උපයෝගී කරගනිමින් මත්තල ගුවන් තොටුපොළේ සිට මාතර, පොල්හේන ප්‍රදේශයේ පිහිටි හෝටලයක් කරා ගොස් තිබෙන බවයි මහජන සෞඛ්‍ය පරීක්ෂකවරුන්ගේ සංගමයේ සභාපතිවරයා ප්‍රකාශ කළේ. මෙම පිරිස ගුවන් තොටුපොළෙන් පිටව යෑම සිට මාතර ප්‍රදේශයේ පිහිටි හෝටලය කරා ගිය ආකාරය සමබන්ධයෙන් යම් මතභේදාත්මක තත්ත්වයක් පවතින බවද මෙහිදී ඔහු කියා සිටියා.

ගුවන් කාර්ය මණ්ඩලයේ පිරිස යලි විදේශ ගතවීම සඳහා PCR පරීක්ෂණ සිදුකොට ඇති අතර එහිදී 52 හැවිරිදි පුද්ගලයෙකුට නව කොරෝනා වෛරසය ආසාදනය වී ඇති බවට තහවුරු වී ඇති බවයි ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමයේ සභාපතිවරයා කියා සිටියේ.

මෙම පුද්ගලයින් රැඳී සිටි හෝටලයේ සේවකයින් ඔවුන්ගේ පවුල් වල සාමාජිකයින්, මෙම පිරිස භාවිතා කළ ත්‍රිරෝද රථවල රියදුරන් සහ ඔවුන්ගේ සමිපත් 110 කට ආසන්න පිරිසක් මේ වන විට ප්‍රදේශයේ සෞඛ්‍ය බලධාරින් විසින් අනාවරණය කර ගෙන ඇති අතර ඔවුන්ගේ PCR පරීක්ෂණ ආදිය සිදුකොට නිරෝධායන ක්‍රියාවලියට යොමු කිරීමට අවශ්‍ය පියවර ගෙන ඇති බවයි මහජන සෞඛ්‍ය පරීක්ෂකවරුන්ගේ සංගමයේ සභාපතිවරයා වැඩිදුරටත් සඳහන් කළේ.

මෙම පිරිසට අමතරව තවත් පුද්ගලයින්ට මෙම රුසියානු ජාතිකයින් නිරාවරණය වී ඇත්ද යන්න සම්බන්ධයෙන් වන තොරතුරු ප්‍රදේශයේ සෞඛ්‍ය බලධාරීන් විසින් සොයමින් පවතින බවත් මෙම විදේශිකයින් සත්‍ය කරුණු සැඟවීම නිසා සිය නිලධාරීන්ට ආශ්‍රිතයින් සොයා යෑමේදී දැඩි වෙහෙසක් ගැනීමට සිදුව ඇති බව සභාපතිවරයා වැඩිදුරටත් ප්‍රකාශ කළා.

මෙම තත්ත්වය මත රටේ සමාජීය ලෙස කොරෝනා ව්‍යාප්තියක් සිදුවීමේ අවධානමක් මේ වන විට පවතින බවට එකහෙළා ප්‍රකාශ කිරීමට හැකියාවක් නොමැති බවත් කොවිඩ් ආසාදිත පුද්ගලයා හරහා ඔහුට නිරාවරණය වූ පුද්ගලයින්ට වෛරසය ආසාදනය වීමේ හැකියාවක් පවතින බවයි මහජන සෞඛ්‍ය පරීක්ෂකවරුන්ගේ සංගමයේ සභාපතිවරයා වැඩිදුරටත් ප්‍රකාශ කළේ.

එමෙන්ම දැනටමත්  සිදුකරන PCR පරීක්ෂණ සහ ඉදිරියේදී නිරෝදායන ක්‍රියාවලිය මත සිදුවන කාලයේදී ඇතිවිය හැකි තත්ත්වය මත මේ සම්බන්ධයෙන් වැඩිදුර කරුණු ප්‍රකාශ කළ හැකි බවද ඔහු කියා සිටියා.

මෙම රුසියානු ගුවන් කාර්ය මණ්ඩලය මත්තල ගුවන් තොටුපොළෙන් පිටව ගිය ආකාරය සහ ඔවුන් සාමාන්‍ය සංචාරකයින් ලෙස හෝටලයක නවාතැන් ගැනීම හා ප්‍රදේශයේ පුරා සංචාරය කිරීම සම්බන්ධයෙන් රජයේ වගකිවයුතු බලධාරීන්ගේ අවධානයට යොමු කරන බවයි ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමයේ සභාපති උපුල් රෝහණ වැඩිදුරටත් ප්‍රකාශ කර සිටියේ.
ඔබේ ප්‍රතිචාරය කුමක්ද?

Gossip Lanka | Gossip Lanka News | Lanka Gossip | Sinhala News

2013-2020 Gossip-LankaNews.com Email: editor(at)gossip-lankanews.com
Advertising: Contact Here Editor: Contact Here
All the content on this website is copyright protected.
www.Gossip-LankaNews.com is a Sri Lankan online news website with rich content of 24 hours updated Sri Lankan and world news Reporting in English and Sinhala language. Gossip Lanka is The premium exclusive Sri Lankan Online News Network providing around the clock breaking news in local, international, world, politics, sports, entertainment, hot gossip, event photos and Videos. We provide Sri Lanka news, Latest News updates and information, Sri Lanka Business News, Breaking news and updates, celibrity Gossip , Sri Lanka cricket news, Business and finance news, A collection of news items from many sources, Stock Market News and Discussions, Balanced Independent news provider, Breaking Hot News from Sri Lanka, Entertainment hot gossip update throughout the day, include Sri Lanka news paper articles written in Sinhala and English Language like lankadeepa, lakbima, rivira, adaderana, nethfm, mawbima, divaina, hirunews, hiru gossip, dinamina, sundayleader, dailymirror, srilankamirror, dailynews, newsfirst, lankacnews.