Apr
15
මේ අනුව වෛරසය එක්තරා ආකාරයකට පාලනයක් ඇතිව තිබෙන බව මෙයින් පැහැදිලි වන බවද ඔහු සඳහන් කළේය.
නමුත් සාමාන්‍ය සමාජය තුළ ද තවත් රෝගීන් හඳුනානොගත් කිහිපදෙනෙකු සිටිය හැකි නමුත් ඔවුන් විශාල ප්‍රමාණයක් නොවන බවද ඔහු පැවසීය.
පවතින තත්ත්වය මනා පාලනයක් සහිත බව සහතික වූ වහාම පවතින ඇඳිරි නීතිය ඉවත් කිරීමේ සැලසුමක් සකස් කර ඇති බවද ඔහු සදහන් කලේය.
මෙම සැලසුම මේ මාසය තුළදී ම ක්‍රියාත්මක කර කිරීමට හැකියාව ඇති බව තමන් විශ්වාස කරන බවද ඒ මහතා කියා සිටියේය.
කෙසේ වෙතත් කොරෝනා වෛරසය ලෝකය පුරා සීග්‍රයෙන් පැතිරී යමින් තිබෙන නිසා ඕනෑම මොහොතක යළිත් ලංකාවට ඇතුළු වීමේ අවදානම සලකමින් ගුවන්තොටුපොළවල් ආදිය ඉතාමත් තද පාලනයක් යටතේ දිගු කාලයක් පවත්වාගෙන යා යුතු වනු ඇතැයිද ඔහු තව දුරටත් අවධාරණය කලේය.
