May 21

චීනය තවත් අනතුරුදායක තත්ත්වයක, වෛරසයේ ලක්ෂණ වෙනස් වෙයි


ඊසාන දිග චීනයෙන් වාර්තා වෙමින් පවතින නව කොරෝනා වෛරසය ආසාදිත රෝගීන් "පොකුර" සහ වුහාන් ප්‍රාන්තයෙන් වාර්තා වූ රෝගීන් අතර පැහැදිලි වෙනසක් දක්නට ලැබෙන බව එරට වෛද්‍යවරුන් ප්‍රකාශ කර සිටිනවා.

වෛද්‍යවරුන් සඳහන් කර සිටින්නේ ඊසාන දිග චීනයෙන් වාර්තා වන කොරෝනා වෛරසය මිට පෙර දුටු වෛරසයට සාපේක්ෂව වෙනස් වී ඇති බවත් එය මැඩපැවැත්වීම සංකීර්ණ වී ඇති බවයි.

වුහාන් නගරයේ රෝගීන්ට සාපේක්ෂව ජිලින් සහ හයිලොංජියැන්ග් නගරවලින් වාර්තා වන කොරෝනා ආසාදිතයින් සුව වීමට වැඩි කාලයක් ගත වන බවයි වෛද්‍යවරුන් සඳහන් කරන්නේ.

චීනයේ ජාතික සෞඛ්‍ය කොමිසමේ විශේෂඥයෙක් වන වෛද්‍ය Qiu Haibo ප්‍රකාශ කර සිටින්නේ අළුතින් වාර්තා වන රෝගීන් කාලාතුරකින් වෛරසයේ මුල් රෝග ලක්ෂණය වන උණ රෝගය පෙන්නුම් කරන බවත් ඔවුන්ගේ සිරුරේ අනෙක් අවයව වලට සාපේක්ෂව වෛරසයෙන් පෙනහළු වලට ඇතිකරන හානිය අධික බව කියා සිටියා.

චීනයේ CCTV රූපවාහිනී නාලිකාව සමග සම්මුඛ සාකච්ජාවකට එක්වෙමින් වෛද්‍ය Haibo කියා සිටියේ ඊසාන දිග චීනයෙන් වාර්තා වන නව ආසාදිතයින් රෝග ලක්ෂණ පෙන්නුම් කිරීමට වැඩි කාලයක් ගන්නා බවයි. මේ හේතුවෙන් වෛරසය ආසාදිත පුද්ගලයෙකුගෙන් නිරෝගී පුද්ගලයෙකුට එය වැළදීමේ ඇති ඉඩ කඩ වැඩි බවයි මෙහිදී ඔහු අවධාරණය කර සිටියා.

වෛද්‍ය Haibo ප්‍රකාශ කර සිටියේ ඊසාන දිග චීනයේ ව්‍යාප්ත වෙමින් පවතින වෛරසය විදෙස් රටකින් පැමිණි එකක් බවත් එය පැමිණියේ කුමන රටකින්ද යන්න ගැන පැහැදිලිවම ප්‍රකාශ කළ නොහැකි බවයි. අමෙරිකාව විසින් සිදුකළ පර්යේෂණයකින් හෙළිව ඇත්තේ කොරෝනා වෛරස තුල වෙනස් වූ රෝග කාරක 14ක් ඇති සොයා ගෙන ඇත.
ඔබේ ප්‍රතිචාරය කුමක්ද?

Gossip Lanka | Gossip Lanka News

© 2013-2020 Gossip - Lanka News Email: editor(at)gossip-lankanews.com
Advertising: Contact Here Editor: Contact Here
All the content on this website is copyright protected.
www.Gossip-LankaNews.com is a Sri Lankan online news website with rich content of 24 hours updated Sri Lankan and world news Reporting in English and Sinhala language. Gossip Lanka is The premium exclusive Sri Lankan Online News Network providing around the clock breaking news in local, international, world, politics, sports, entertainment, hot gossip, event photos and Videos. We provide Sri Lanka news, Latest News updates and information, Sri Lanka Business News, Breaking news and updates, celibrity Gossip , Sri Lanka cricket news, Business and finance news, A collection of news items from many sources, Stock Market News and Discussions, Balanced Independent news provider, Breaking Hot News from Sri Lanka, Entertainment hot gossip update throughout the day, include Sri Lanka news paper articles written in Sinhala and English Language like lankadeepa, lakbima, rivira, adaderana, nethfm, mawbima, divaina, hirunews, hiru gossip, dinamina, sundayleader, dailymirror, srilankamirror, dailynews, newsfirst, lankacnews.