Jan
22
කිලෝ 6ක් බර ඉපැරණි ලෝහමයබුදු පිළිමයක් විකිණීමට ගිය 3ක් එස්ටීඑෆ් දැලේ
රුපියල් කෝටි ගණනක් වටිනා කිලෝ ග්රෑම් 6 ක් බරැුති ඉපැරණි ලෝහමය බුද්ධ ප්රතිමාවක් අලෙවි කිරීමට උත්සාහ කළ තිදෙනකු පොලිස් විශේෂ කාර්ය බළකායේ නිලධාරීන් විසින් 20දා මුලතිව් ප්රදේශයේදී අත්අඩංගුවට ගෙන තිබේ.
එක් අයකු ළග වටිනා බුදු පිළිමයක් ඇති බවත්, ඔහු එය විකිණීමට උත්සාහ කරන බවටත් පොලිස් විශේෂ කාර්ය බළකායට ලද තොරතුරුකට අනුව පිළිමය ළග තබාගෙන සිටි පුද්ගලයා නොමග යවා එය මිලදී ගන්නා ආකාරයට කටයුතු කළ පොලිස් විශේෂ කාර්ය බළකායේ නිලධාරීන් සැකකරුවන් තිදෙනා අත්අඩංගුවට ගෙන තිබේ.
එම පිළිමය සැකකරුවන් මුලතිව් ප්රදේශයේ කිසියම් බෞද්ධ සිද්ධස්ථානයකින් සොරකම් කරන්නට ඇතැයි සැක කෙරෙන අතර, පොලිස් විශේෂ කාර්ය බළකායේ නිලධාරීන් විසින් සැකකරුවන් හා බුදු පිළිමය මුලතිව් පොලිසියට භාර දී තිබේ.
දිනසේන රතුගමගේ
