Nov 30

ප්‍රා. සභාවේ සේවකයින් පහරදී වටරැක විජිත හිමියෝ රෝහල්ගත කරයි


මහියංගණ ප‍්‍රාදේශීය සභාවට කොරෝනා වසංගත සමයේ එම පාලන කටයුතු සඳහා බඳවා ගන්නා ලද තාවකාලික සේවකයන් පිරිසක් ප‍්‍රාදේශීය සභාපතිවරයාගේ පෞද්ගලික වත්තක සේවයට යොදවා ඇති බවට ලැබුණු තොරතුරක් මත ඒ බව සොයා බැලීම සඳහා එම ගෙවත්තට ගොස් ප‍්‍රශ්න කළ අවස්ථාවේ තමාට එම සේවකයන් පහරදීම හේතුවෙන් සිදු වූ තුවාල නිසා ප‍්‍රතිකාර ලබා ගැනීමට මහියංගණ මූලික රෝහලට 28 වැනිදා (පෙරේදා) ඇතුළත් වූ බව මහියංගණ ප‍්‍රාදේශීය සභාවේ පොදුජන පෙරමුණ මන්ත‍්‍රී පූජ්‍ය වටරැුක විජිත හිමියෝ පවසති.

එහිදී වටරැක විජිත හිමියන් පවසන්නේ සභාවට තාවකාලිකව බඳවාගත් සේවකයන් සභාපතිවරයාගේ පෞද්ගලික ගෙවත්තක පැළ සිටිවීම සඳහා දින කිහිපයක් තිස්සේ යොදවා ගෙන ඇති බවයි. සේවකයන් පැමිණීමේ ලේඛනයේ අත්සන් කර සභාපතිවරයාගේ පෞද්ගලික ගෙවත්තේ සේවය සඳහා යොදවාගන්නා බව ද උන්වහන්සේ කියති.

එම හිමියන් සමග පැමිණි පුද්ගලයකු පොලූ මුගුරුවලින් පහරදුන් බව පවසා සේවකයන් තිදෙනකු ද ප‍්‍රතිකාර සඳහා මහියංගන මූලික රෝහලට 28 වැනිදා ඇතුළත්ව ඇත.

ප‍්‍රා. ස. මන්ත‍්‍රී වටරැුක හිමියන්ගේ චෝදනා සම්බන්ධයෙන් මහියංගණ ප‍්‍රාදේශීය සභාවේ සභාපති කරු වීරරත්න මහතාගෙන්

විමසූ විට ප‍්‍රකාශ කර සිටියේ, හිමියන්ගේ චෝදනා සියල්ල අසත්‍ය බවයි. තාවකාලිකව බඳවාගත් සේවකයන් 25 වැනිදා සිට සභාවේ වැඩ සඳහා වර්තා කර නොමැති බවත්, එම සේවකයන් දවසේ වැටුප් ගෙවා තමන්ගේ ගෙවත්තේ වැඩට ගත් බවත් ඔහු කීවේය. චෝදනා සිදුකරන හිමියන්ගේ ඉතිහාසය පිළිබඳ තොරතුරු රටම දන්නා බවත්, හෙතෙම කීවේය.

මහියංගණ ප‍්‍රාදේශීය සභාවේ උප සභාපති ලෙස

ඊ. එම්. සම්පත් ඒකනායක මහතා සිද්ධිය සම්බන්ධයෙන් 28 දින දහවල් මහියංගණ පොලිසියේ පැමිණිල්ලක් ගොනු කරමින්, මහියංගණ ප‍්‍රාදේශීය සභාවේ සේවකයන්ගේ පැමිණීමේ ලේඛනය සභා කාර්යාලයෙන් අස්ථානගතව ඇති බව දන්වා තිබේ.

ප‍්‍රාදේශීය සභාවේ සභාපති කරු වීරරත්න මහතා ඇතුළු මන්ත‍්‍රී කණ්ඩායමක් රෝහලේ ප‍්‍රතිකාර ලබන හිමියන්ගේ සුව දුක් විමසීම සඳහා එදින රෝහල වෙත පැමිණ සිටි ආකාරය ද දක්නට ලැබිණි.

සිද්ධිය සම්බන්ධයෙන් මහියංගණ පොලිසියේ ස්ථානාධිපති ප‍්‍රධාන පොලිස් පරීක්ෂක එස්. ජේ. ඒ. ආර්. එල්. සේනාධීර මහතාගේ ප‍්‍රධානත්වයෙන් පරීක්ෂණ කටයුතු ආරම්භ කර ඇත.


මහියංගණ - රංජිත් කරුණාවීර
ඔබේ ප්‍රතිචාරය කුමක්ද?

Gossip Lanka | Gossip Lanka News | Lanka Gossip | Sinhala News

2013-2020 Gossip-LankaNews.com Email: editor(at)gossip-lankanews.com
Advertising: Contact Here Editor: Contact Here
All the content on this website is copyright protected.
www.Gossip-LankaNews.com is a Sri Lankan online news website with rich content of 24 hours updated Sri Lankan and world news Reporting in English and Sinhala language. Gossip Lanka is The premium exclusive Sri Lankan Online News Network providing around the clock breaking news in local, international, world, politics, sports, entertainment, hot gossip, event photos and Videos. We provide Sri Lanka news, Latest News updates and information, Sri Lanka Business News, Breaking news and updates, celibrity Gossip , Sri Lanka cricket news, Business and finance news, A collection of news items from many sources, Stock Market News and Discussions, Balanced Independent news provider, Breaking Hot News from Sri Lanka, Entertainment hot gossip update throughout the day, include Sri Lanka news paper articles written in Sinhala and English Language like lankadeepa, lakbima, rivira, adaderana, nethfm, mawbima, divaina, hirunews, hiru gossip, dinamina, sundayleader, dailymirror, srilankamirror, dailynews, newsfirst, lankacnews.