Nov
24
ගැබිනි කතුන් 50කට කොවිඩ්
ගැබිනි කාන්තාවන් පනස් දෙනෙකුට කොවිඩ් 19 වයිරසය වැලඳී ඇති බව සෞඛ්‍ය අමාත්‍යාංශයේ පවුල් සෞඛ්‍ය කාර්යාංශයේ අධ්‍යක්ෂිකා වෛද්‍ය චිත්‍රමාලිද සිල්වා පවසයි.
එම මව්වරුන්ගෙන් ඇතැම් අය සැත්කම්වලට භාජනය කර දරුවන් බිහි කිරීමට සැලැස් වූ බවද ඇය සඳහන් කරයි. කෙසේ වෙතත් මව්වරුන්ගෙන් දරුවන්ට කොවිඩ් ආසාදනය වී නොතිබුණ බවත් ඔවුන් පූර්ණ සුවයෙන් සිටින බවද ඇය ප්‍රකාශ කළාය.
සාමාන්‍යයෙන් ලංකාවේ වසරකදී ගර්භණී මාතාවන් 90-100ත් අතර සංඛ්‍යාවක් මරණයට පත්වන බවද මෙම දිනවලදී සිදුවන මාතෘ මරණ සම්බන්ධයෙන් විශේෂ අවධානයන්ද සෞඛ්‍ය අමාත්‍යාංශය යොමුකර ඇති බවද වෛද්‍යවරිය පවසයි.
ගර්භණී මව්වරුන් හා දරුවන්ගේ සායන නිසි පරිදි සිදුකරන අතර සායනවලට පැමි‍ණෙන අයට වේලාව වෙන්කර සායන කටයුතු සිදුකරන බවද කියන වෛද්‍යවරිය හුදෙකලා කර ඇති ප්‍රදේශවලින් සායන කටයුතුවලට කිසිවකු ගෙන්වා නොගන්නා බවද අවධාරණය කර සිටියාය.
උදයජීව ඒකනායක, අශිකා ජයවීර
