Aug
15
කැබිනට් ඇමතිවරයෙකුට වඩා ඉහල තනතුරක් මෛත‍්‍රීට. මහින්ද පොරොන්දු වෙයි
නව තනතුරක් සාදා එය හිටපු ජනාධිපති මෛත්‍රීපාල සිරිසේන මහතාට ලබාදෙන බව අගමැති මහින්ද රාජපක්ෂ මහතා සඳහන් කර තිබේ.
ඔහු මේ බව සඳහන් කර ඇත්තේ කැබිනට් මණ්ඩලය දිවුරුම් දීමට පෙර දා හිටපු ජනාධිපතිවරයා සමග පැවති සාකච්ඡාවකදීය.
මහින්ද රාජපක්ෂ මහතා පෙන්වා දී ඇත්තේ හිටපු ජනාධිපතිවරයෙකුට කැබිනට් ඇමැති ධුරයක් දැරීම සුදුසු නොවන නිසා නව ව්‍යවස්ථා සංශෝධනය මගින් නව තනතුරක් ඇති කර එය හිටපු ජනාධිපතිවරයාට ලබා දෙන බවයි.
මහින්ද රාජපක්ෂ මහතාගේ ඉල්ලීමට හිටපු ජනාධිපතිවරයා එකඟ වී ඇති අතර ඔහුට ලබාදීමට එකඟ වී සිටි පරිසර ඇමති ධූරය මහින්ද අමරවීර මහතාට ලබාදීමට ද කරන ලද ඉල්ලීම අගමැතිවරයා විසින් ඉටු කර දී ඇත.
ඒ අනුව මෙවර ඇමති මණ්ඩලය පත් කිරීමේදී හිටපු ජනාධිපතිවරයාට කිසිදු අමාත්‍යංශයක් හිමි නොවීය.
