Jun
14
ආණමඩුවේ බාලවයස් දැරියක් අපයෝජනය කල සුද්දා
බාලවයස්කාර දැරිවියකට ලිංගිත අතවරයක් සිදු කළ බව කියන එංගලන්ත ජාතිකයෙකුව ආණමඩුව පොලීසිය විසින් 13 වැනිදා රාත්‍රීයේ අත්අඩංගුවට ගෙන ඇත.
පොලීසිය විසින් අත්අඩංගුවට ගෙන ඇත්තේ ආණමඩුව - මුදලක්කුලියේ පදිංචිව සිටි 63 හැවිරිදි අයෙකුවය. සැකකරු විසින් අතවරයට ලක් කර ඇත්තේ 11 හැවිරිදි දැරිවියක්ව බව පොලීසිය කියයි.
අත්අඩංගුවට ගෙන ඇති සැකකරු මීට වසර 25 කට පමණ පෙර මෙරටට පමිණ ප්‍රදේශයේ පදිංචිව සිට ඇති අතර එහිදී දැන හදුනා ගත් කාන්තාවක් සමග පැමිණ ආණමඩුව -මුදලක්කුලිය ප්‍රදේශයේ පදිංචිව සිට ඇත.
මීට මාස 02 කට පමණ පෙර සැකකරු විසින් තම දියණියට අපරාධයක් සිදු කර ඇති බව එම කාන්තාව විසින් 13 වැනිදා සවස ආණමඩුව පොලීසියට පැමිණිළි කරමින් සදහන් කර තිබෙනවා.
පොලීසිය සැකකරුව අත්අඩංගුවට ගෙන ඇත්තේ එම පැමිණිල්ලට අනුවය. තමන්ට මෙරට පුරවැසි භාවය ඇති බව සැකකරු පොලීසිය හමුවේ පවසා ඇති නමුත් ඒ සදහා වන ලියකියවිලි සැකකරු පොලීසියට ඉදිරිපත් කර නැත.
ආණමඩුව පොලීසිය වැඩිදුර විමර්ශණ කටයුතු කරගෙන යයි.
නාත්තන්ඩිය - සමන්ප්‍රිය ජයශාන්ත
Source - මව්බිම
