Apr
16
කොරෝනා වෛරස ව්‍යාප්තිය පාලනය කිරීම සඳහා ශ්‍රී ලංකාවේ ජනතාව අති මහත් බහුතරයක් විශාල ලෙස සහයෝගය දෙමින් සිටින බව කොරොනා මර්දන බළකායේ ප්‍රධානී හමුදාපති ශවේන්ද‍්‍ර සිල්වා මහතා සඳහන් කරයි.
වෙනත් රටවල් දෙස බලද්දී අපේ රටේ ජනතාව කොරෝන මර්දන වැඩපිලිවෙලේ සියළුම නිලධාරීන්ට අති මහත් සහයෝගයක් වෙමින් සිටින බව ඔහු පැවසීය.
විශාල කැපකිරීම් ප්‍රමාණයක් කරමින් බොහෝ දේ දරා ගනිමින් සිදු කරන මෙම කැපකිරීමට තමන් හමුදාපතිවරයා ලෙස දැඩිව ස්තූතිවන්ත වන බවද ඔහු කියා සිටියේය.
මේ වන විට කොරෝනා ව්‍යාප්තිය පාලනයෙන් ශ්‍රී ලංකාව ඉතා සාර්ථක මට්ටමක සිටින බවත් එහි ගෞරවය කැපකිරීම් කරන ජනතාවටද හිමි විය යුතු බවද ඔහු තවදුරටත් කියා සිටියේය.
