Jan 14

නිරෝධායන උපදෙස් කඩ කරමින් චිත්‍රපටයක් නැරඹීමට පැමිණි තරුණයින් පිරිසට වෙච්ච දේ


හැටන් ප‍්‍රදේශයේ සිනමා ශාලාවක් ඉදිරිපිට නිරෝධායන රීති කඩකරමින් රැස්ව සිටි තරුණයන් පිරිසක් පොලිස් නිලධාරීන් විසින් යළි අද නිවෙස් වෙත පිටත් කර හැරියා. අදට යෙදුණු තෛපොංගල් දිනයේදී හැටන් නගරයේ පිහිටි සිනමා ශාලාවක දමිල චිත‍්‍රපටයක් තිරගත කරන බවට ලද තොරතුරක් මත වතුකරයේ තරුණයන් පිරිසක් මෙලෙස එම සිනමා ශාලාව ඉදිරිපිටට රැස්ව සිටි බවයි නෙත් නිවුස් වාර්තාකරු පැවසුවේ.

කෙසේවෙතත් එම සිනමා ශාලාවේ හිමිකරු එලෙස චිත‍්‍රපටයක් තිරගත කිරීමට පියවර ගෙන නොතිබූ අතර අනතුරුව සිනමා ශාලාව අසලට රැස්වූ වතුකරයේ තරුණ පිරිස මෙලෙස නිවෙස් කරා පිටත් කර හැරීමට පොලීසිය පියවර ගත්තා.

මේ අතර හිනිදුම, තවලම සතිපොළේ වෙළදුන් සහ පාරිභෝගිකයින් 23 දෙනෙකුට කොරෝනා වෛරසය ආසාදනය වී ඇති බව ගාල්ල දිස්ත‍්‍රික් ප‍්‍රාදේශීය වසංගත රෝග විද්‍යාඥ වෛද්‍ය වෙනුර කේ සිංහාරච්චි අද තහවුරු කළා. ඔවුන් අකුරැුස්ස, නෙළුව තවලම, තිහගොඩ ආදී ප‍්‍රදේශවල පදිංචිකරුවන් වනවා.

ඊයේ දිනයේ තවලම සතිපොළේ වෙළඳුන් සහ භාණ්ඩ මිලදී ගැනීමට පැමිණි වෙළදුන් සහ පාරිභෝගිකයින් 88 දෙනෙකු PCR පරීක්ෂණවලට ලක් කෙරුණු අතර ඉන් 23 දෙනෙකුට කොරෝනා වෛරසය ආසාදනය වී ඇති බවටයි තහවුරු වුණේ.

මේ අතර හංවැල්ල, හරස් පාර ප‍්‍රදේශයේ මනාලියන් හැඩගැන්වීමේ ස්ථානයක් පවත්වාගෙන කාන්තාවකට සහ ඇගේ දියණියට කොරෝනා ආසාදනය වී ඇති බව තහවුරු වී තිබෙනවා. ඒ අනුව ඔවුන්ගේ ආශ‍්‍රිත පවුල් හතක් ස්වයං නිරෝධායනය සදහා යොමු කර ඇති අතර ඉකුත් 2 වනදා සිට එම ආයතනයෙන් සේවා ලබාගත් අය සිටීනම් සිය ප‍්‍රදේශයේ මහජන සෞඛ්‍ය නිලධාරිවරයා දැනුවත් කරන ලෙසයි සෞඛ්‍ය අංශ ඉල්ලීමක් කළේ.

මේ අතර කොරෝනා වෛරසය ආසාදනය වූ තවත් පුද්ගලයින් 480 දෙනෙකු පූර්ණ සුවය ලබා අද රෝහල්වලින් පිටව ගියා. ඒ අනුව මෙරටදී සුවය ලැබූ සමස්ත කොරෝනා ආසාදිතයින් සංඛ්‍යාව 43,747 ක්. ආසාදිතයින් 6,715 දෙනෙකු පමණක් තවදුරටත් රෝහල්ගතව ප‍්‍රතිකාර ලබන බවයි සෞඛ්‍ය ප‍්‍රවර්ධන කාර්යාංශය පැවසුවේ.

මේ අතර අද දිනයේ මේ දක්වා කාලය තුළ තවත් කොරෝනා ආසාදිතයින් 354 දෙනෙකු හදුනාගත් බව යුද හමුදාපති ජෙනරාල් ශවේන්ද්‍ර සිල්වා සදහන් කළා.
ඔබේ ප්‍රතිචාරය කුමක්ද?

Gossip Lanka | Gossip Lanka News | Lanka Gossip | Sinhala News

2013-2020 Gossip-LankaNews.com Email: editor(at)gossip-lankanews.com
Advertising: Contact Here Editor: Contact Here
All the content on this website is copyright protected.
www.Gossip-LankaNews.com is a Sri Lankan online news website with rich content of 24 hours updated Sri Lankan and world news Reporting in English and Sinhala language. Gossip Lanka is The premium exclusive Sri Lankan Online News Network providing around the clock breaking news in local, international, world, politics, sports, entertainment, hot gossip, event photos and Videos. We provide Sri Lanka news, Latest News updates and information, Sri Lanka Business News, Breaking news and updates, celibrity Gossip , Sri Lanka cricket news, Business and finance news, A collection of news items from many sources, Stock Market News and Discussions, Balanced Independent news provider, Breaking Hot News from Sri Lanka, Entertainment hot gossip update throughout the day, include Sri Lanka news paper articles written in Sinhala and English Language like lankadeepa, lakbima, rivira, adaderana, nethfm, mawbima, divaina, hirunews, hiru gossip, dinamina, sundayleader, dailymirror, srilankamirror, dailynews, newsfirst, lankacnews.