මත්ද්‍රව්‍ය වැටලීමක් සඳහා පොලිසියට ඔත්තු ලබාදුන් බව කියන සිද්ධියක් සම්බන්ධයෙන් තිදරු පියකුට තියුණු ආයුධවලින් පහරදී ඔහුගේ දෑත් දෙපා කපා සිරුරෙන් වෙන් කළ ප‍්‍රධාන සැකකරු වේයන්ගොඩ අල්ගම්පිටිය ප‍්‍රදේශයේදී ඊයේ (28දා) අලූයම 3.30ට පමණ පොලිස් වෙඩි පහරින් මියගොස් ඇත.

මෙම සාහසිකයා විසින් තිදරු පියාට තියුණු ආයුධවලින් පහරදී සිරුරෙන් දෑත් දෙපා කපා වෙන්කර තිබුණේ ඉකුත් (19දා) උදෑසන වේයන්ගොඩදී ඔහුගේ පුත‍්‍රයා ඉදිරිපිටදීම බව පොලිසිය පවසයි. ඔහුගේ දෑත් දෙපා කපා සිරුරෙන් වෙන් කළ මෙම සාහසිකයා සහ තවත් අයකු ඔහුගේ එක් පාදයක් රැගෙන ගොස් තිබූ බවද පොලිසිය පවසයි.

මෙම සිද්ධිය සම්බන්ධයෙන් අත්අඩංගුවට ගත් සැකකරු දින 90 ක රැඳවුම් නියෝග මත පෑලියගොඩ අපරාධ කොට්ඨාසයේ රඳවා සිටියදී මෙම ප‍්‍රහාරයට යොදාගත් ආයුධ පෙන්වීමට ඊයේ අලූයම රැගෙන ගොස් තිබිණි.

වේයන්ගොඩ අල්ගම්පිටිය ප‍්‍රදේශයේදී සැකකරු දෑත් විලංගුවලින් පොලිස් නිලධාරියකුගේ ගෙල සිරකර පලා යෑමට උත්සාහ කරද්දී පොලිසිය සිදු කළ වෙඩි තැබීමකින් මොහු මියගොස් ඇත.

මෙසේ මරුමුවට පත්ව ඇත්තේ 37 හැවිරිදි යෝධපේලිගේ නිශාන්ත කුමාරසිරි නමැති අයෙකි. මෙම අපරාධකරු වේයන්ගොඩ ප‍්‍රදේශයේ ප‍්‍රධාන පෙළේ කසිප්පු ව්‍යාපාරිකයකු වන අතර අයිස්, හෙරොයින්, ගංජා ඇතුළු අනෙකුත් මත්ද්‍රව්‍ය අලෙවි කරන ජාවාරම්කරුවකු බවද පොලිසිය පවසයි.

මෙම අපරාධකරුට එරෙහිව මංකොල්ලකෑම්, මත්ද්‍රව්‍ය ජාවාරම් සහ තවත් අපරාධ සම්බන්ධයෙන් නඩු පහක් අධිකරණවල විභාග වෙමින් තිබෙන බවද පොලිසිය පවසයි.

අපරාධකරු වේයන්ගොඩ ප‍්‍රදේශයේ නමගිය පාතාල මැරයකු වූ බේස්ටල් මහතුන් නමැත්තාගේ වැඩි මහල් පුත‍්‍රයා බව විමර්ශනවලින් අනාවරණය වී ඇත.

වේයන්ගොඩ බෑවුන්වත්ත ප‍්‍රදේශයේ පදිංචිකරුවකු වූ 40 හැවිරිදි සුනන්ද වෘත්තියෙන් පෙදරේරුවෙකි. තුන්දරු පියකු වූ ඔහු නිවාස ඉදිකිරීමේ කටයුතුවල නිරත වෙමින් සිය දරු පවුල සමග යහපත් ජීවිතයක් ගත කළ අයකු බව පොලිසිය පවසයි.

මීට සති දෙකකට පමණ උඩදී අනුරාධපුරයේ සිට රැුගෙන ආ ගංජා තොගයක් වේයන්ගොඩ පොලිසිය මගින් අත්අඩංගුවට ගෙන තිබුණේ සැකකරුවකුද සමගය.

මෙම ගංජා තොගය පොලිස් වෙඩි ප‍්‍රහාරයෙන් මරුමුවට පත්වූ නිශාන්ත කුමාරසිරි නමැත්තාට අයත් බව පසුව හෙළිවිය.

මෙම ගංජා තොගය අත්අඩංගුවට ගැනීම සඳහා පොලිසියට ඔත්තුව දී ඇත්තේ සුනන්ද නමැති පෙදරේරුවා බවට සැක පහළ කළ නිශාන්ත කුමාරසිරි ඔහුට මරණ තර්ජන එල්ල කර ඇත.

ඉකුත් 19 වැනිදා උදෑසන 10.30 ට පමණ සුනන්ද සිය පහළොස් හැවිරිදි පුත‍්‍රයාද සමග සිමෙන්ති බෑගයක් ගෙන ඒමට වේයන්ගොඩ අල්ගම්පිටිය ප‍්‍රදේශයේ වෙළෙඳ සලකට ගොස් ඇත.

සිමෙන්ති මිලදී ගැනීමෙන් පසු සුනන්ද තවත් වෙළෙඳ සලකට ගොස් ඇති අතර නිශාන්ත කුමාරසිරි සහ තවත් මැරයකු ඒ අවස්ථාවේ යතුරුපැදියකින් එහි පැමිණ සුනන්ද අසලටම ගොස් තියුණු ආයුධවලින් ඔහුට පහරදී ඇත. තම පියාව කපා කොටා පහරදෙනු දුටු පුත‍්‍රයා විලාප නඟමින් ඔහු බේරා ගැනීමට උත්සාහ කළද එය ව්‍යර්ථ වී තිබේ.

සාහසිකයන්ගෙන් බේරීමට සුනන්ද වෙළෙඳ සල තුළට දිව ගොස් ඇති අතර කැපුම් තුවාල නිසා ඔහු බිම ඇද වැටී ඇත.

ඒ අවස්ථාවේ සුනන්ද ලූහුබැඳ පැමිණි සාහසිකයන් ඔහුගේ දෙපා සහ දෑත් තියුණු ආයුධවලින් කපා සිරුරෙන් වෙන්කර එක් පාදයක් රැුගෙන පලාගොස් තිබේ.

සාහසිකයන් ගිය පසු එහි පැමිණි ප‍්‍රදේශවාසීන් බරපතළ තුවාල ලබා සිටි සුනන්ද වතුපිටිවල රෝහලට ඇතුළත් කිරීමට කටයුතු කර ඇති අතර අසාධ්‍ය තත්ත්වයෙන් සිටි සුනන්ද පසුව කොළඹ ජාතික රෝහල වෙත මාරුකර යවා ඇත.

එහිදී සුනන්දගේ එක් අතක් ශල්‍යකර්මයකින් බද්ධ කිරීමට වෛiවරුන් කටයුතු කළද එය සාර්ථක වී නොමැති බව රෝහල් ආරංචි මාර්ග පවසයි.

සුනන්දගේ සිරුරෙන් කපා වෙන්කර රැුගෙන ගිය පාදයේ කොටස දිනකට පසු වේයන්ගොඩ අල්ගම්පිටිය ප‍්‍රදේශයේ විහාරස්ථානයක් අසලට ගෙනැවිත් දමා තිබිණි.

මේ වන විට කොළඹ ජාතික රෝහලේ ප‍්‍රතිකාර ලබමින් සිටින සුනන්දගේ තත්ත්වය අසාධ්‍ය නොවන බව රෝහල් ආරංචි මාර්ග පැවසීය.

මෙම සිද්ධිය සම්බන්ධයෙන් වේයන්ගොඩ පොලිසිය විමර්ශන ආරම්භ කිරීමෙන් පසු ඊට සම්බන්ධ සාහසිකයන් දෙදෙනා ප‍්‍රදේශය අතහැර පලාගොස් තිබිණි.

පොලිසිය සැකකරුවන් අත්අඩංගුවට ගැනීමට විමර්ශන පවත්වද්දී නිශාන්ත කුමාරසිරි නමැති ප‍්‍රධාන සැකකරු නීතිඥවරයකු මාර්ගයෙන් කුරුවිට පොලිසියට භාරවී ඇත.

මෙම සිද්ධිය සම්බන්ධයෙන් පුළුල් පරීක්‍ෂණයක් පවත්වන ලෙස පොලිස්පතිවරයා පෑලියගොඩ අපරාධ කොට්ඨාසය වෙත නියෝග කර තිබුණි.

බස්නාහිර පළාත භාර ජ්‍යෙෂ්ඨ නියෝජ්‍ය පොලිස්පති දේශබන්ධු තෙන්නකෝන් මහතාගේ පූර්ණ අධීක්‍ෂණය යටතේ පරීක්‍ෂණ ආරම්භ කළ පෑලියගොඩ අපරාධ කොට්ඨාසය සිද්ධියට සම්බන්ධ ප‍්‍රධාන සැකකරු නිශාන්ත කුමාරසිරි මාස 3 ක රැුඳවුම් නියෝග මත රඳවාගෙන ප‍්‍රශ්න කිරීමට සිය භාරයට ගෙන තිබේ.

සැකකරුගෙන් ප‍්‍රශ්න කිරීමේදී හෙළිවූ තොරතුරු මත වේයන්ගොඩ අල්ගම්පිටිය ප‍්‍රදේශයේ සඟවා තිබූ ග්‍රෙනේඞ් බෝම්බ 2 ක්, වෙඩි නූල් සහ හෙරොයින් ග‍්‍රෑම් 5 ක් සොයාගෙන තිබිණි.

මේ අතර සුනන්දට පහරදී කපා කොටා තුවාල කිරීමට යොදාගත් කඩු දෙකක් සඟවා තිබෙන ස්ථානයක් පෙන්වීමට නිශාන්ත කුමාරසිරි පොලිස් නිලධාරීන් සමග ගොස් ඇත.

ඒ අවස්ථාවේ පොලිස් නිලධාරීන් ගමන්ගත් කැබ් රථයේ සිටි නිශාන්ත තම දෑතට දමා තිබූ විලංගුවෙන් කැබ් රථය පදවාගෙන ගිය පොලිස් නිලධාරියාගේ ගෙල සිරකර පලා යෑමට උත්සාහ කර තිබේ.

එහිදී පොලිස් නිලධාරියකු සැකකරුට වෙඩි තබා ඇත. වෙඩි ප‍්‍රහාරයට ලක්වූ සැකකරු නැවතත් පොලිස් නිලධාරියකු සමග පොර බදා පැන යෑමට උත්සාහ ගනිද්දී පොලිස් නිලධාරීන් ඔහුට වෙඩි තබා ඇත.

එහිදී බරපතළ තුවාල ලැබූ සැකකරු වතුපිටිවල රෝහලට ඇතුළත් කිරීමට රැුගෙන යද්දී අතරමග මියගොස් තිබේ.

සුනන්ද නමැති පෙදරේරුවාට පහරදී තියුණු ආයුධවලින් ඔහුගේ දෑත් දෙපා කපා වෙන් කිරීමේ සිද්ධියට සම්බන්ධ අනෙක් සැකකරු පානදුර ප‍්‍රදේශයේ පදිංචිකරුවකු බව විමර්ශනවලින් හෙළිවී ඇත.

එම සැකකරු අත්අඩංගුවට ගැනීම සඳහා පෑලියගොඩ අපරාධ කොට්ඨාසය පුළුල් විමර්ශනයක් ආරම්භ කර තිබේ.

බස්නාහිර පළාත භාර ජ්‍යෙෂ්ඨ නියෝජ්‍ය පොලිස්පති දේශබන්ධු තෙන්නකෝන්, බස්නාහිර උතුර භාර නියෝජ්‍ය පොලිස්පති දමයන්ත විජය ශී‍්‍ර මහත්වරුන්ගේ උපදෙස් මත පෑලියගොඩ අපරාධ කොට්ඨාසයේ අධ්‍යක්‍ෂ පොලිස් අධිකාරි ඕ.කේ.ටී. නානායක්කාර, ස්ථානාධිපති ජයන්ත ධර්ම කීර්ති යන මහත්වරුන්ගේ අධීක්‍ෂණය යටතේ පොලිස් පරීක්‍ෂකවරුන් වන පතිරාජසූරිය, අජිත් සේනානායක, උ.පො.ප. බණ්ඩාර, සැරයන් (41491) මංජුල, කොස්තාපල්වරුන් වන (3088) අමිල, (48211) ජයසිංහ නිලධාරීහු විමර්ශන පැවැත්වූහ.

මෙම සිද්ධියෙන් තුවාල ලැබූ කැබ් රථය පැදවූ කොස්තාපල්වරයා ගම්පහ රෝහලේ ප‍්‍රතිකාර ලබයි.