Dec
29
ඥානදීප හිමියන්ගේ භෂ්මාවශේෂ තැන්පත් කර නාවික හමුදාවෙන් ඉදිකළ චෛත්යය බැති පුදට
අපවත්වී වදාළ අතිපූජ්ය ඩෙන්මාර්කයේ ඥානදීප ස්වාමීන්ද්රයන් වහන්සේගේ භෂ්මාවශේෂ තැන්පත් කර අනුරාධපුරය මීගලෑව ඇත්දළගල ආරණ්ය සේනාසනයෙහි නාවික හමුදා මුල්ය සහ ශ්රමදායකත්වයෙන් ඉදි කරන ලද චෛත්යය පසුගියදා නාවික හමුදාධිපති වයිස් අද්මිරාල් නිශාන්ත උළුගේතැන්න මහතා විසින් සැදැහැති බොදුනුවන්ගේ ගෞරවනීය වන්දනාව පිණිස පූජා කරනු ලැබීය.
අනුරාධපුරය මීගලෑව ඇත්දළගල ආරණ්ය සේනාසනයේ වැඩ වාසය කර පසුගිය සැප්තැම්බර් 12 වැනිදා අපවත්වී වදාළ අතිපූජ්ය ඩෙන්මාර්කයේ ඥානදීප ස්වාමීන්ද්රයන් වහන්සේගේ භෂ්මාවශේෂ තැන්පත් කිරීම සඳහා කුඩාකත්නෝරුව වේදෙණිගම ඇත්දළගල ආරණ්ය සේනාසනාධිපති කරන්දෙණියේ ඥානවීර ස්වාමීන් වහන්සේගේ හා කහත්තේවෙල සුගතවංශ ස්වාමීන් වහන්සේගේ අනුශාසකත්වයෙන් සහ අලව්වේ අනෝමදස්සි ස්වාමීන් වහන්සේගේ මඟපෙන්වීමෙන් මෙම චෛත්යයෙහි ඉදිකිරීම් කටයුතු ඔක්තෝබර් මාසයේ නාවික හමුදාව විසින් ආරම්භ කරන ලදි.
ඉදිකිරීම් අවසන් කරන ලද මෙම චෛත්ය ගර්භයෙහි අපවත්වී වදාළ අතිපූජ්ය ඩෙන්මාර්කයේ ඥානදීප ස්වාමීන්ද්රයන් වහන්සේගේ භෂ්මාවශේෂ තැන්පත් කර සැදැහැති බොදුනුවන්ගේ ගෞරවනීය වන්දනාව පිණිස පූජා කිරීම, මහා සංඝරත්නයේ ආශිර්වාදය මධ්යයේ නාවික හමුදාධිපතිවරයා විසින් පසුගිය 26 වැනිදා සිදු කරන ලද අතර, චෛත්යයේ කොත් කැරැුල්ල නිරාවරණය කිරීමෙන් අනතුරුව ආගමික වත්පිළිවෙත් සිදු කිරීමට ද නාවික හමුදාධිපතිවරයා සහභාගී විය.
ඉදිකිරීම් අවසන් කරන ලද මෙම චෛත්ය ගර්භයෙහි අපවත්වී වදාළ අතිපූජ්ය ඩෙන්මාර්කයේ ඥානදීප ස්වාමීන්ද්රයන් වහන්සේගේ භෂ්මාවශේෂ තැන්පත් කර සැදැහැති බොදුනුවන්ගේ ගෞරවනීය වන්දනාව පිණිස පූජා කිරීම, මහා සංඝරත්නයේ ආශිර්වාදය මධ්යයේ නාවික හමුදාධිපතිවරයා විසින් පසුගිය 26 වැනිදා සිදු කරන ලද අතර, චෛත්යයේ කොත් කැරැුල්ල නිරාවරණය කිරීමෙන් අනතුරුව ආගමික වත්පිළිවෙත් සිදු කිරීමට ද නාවික හමුදාධිපතිවරයා සහභාගී විය.
චතුර පමුණුව