Oct
01
අධි බලැති විදුලි රැහැන් සහිත කණුවක නැගී පුද්ගලයෙකු සිදු කල උපවාසය (Video)
වැල්ලම්පිටිය, නාගහමුල්ල හන්දියේ පිහිටා ඇති අධි බලැති විදුලි සම්පේ‍්‍රෂණ කුළුණක් මත නැග අද පස්වරුවේ විරෝධතාවක නිරත වූ පුද්ගලයෙකු පොලිස් අත්අඩංගුවට ගෙන තිබෙනවා.
මධ්‍යාහ්න 12.30 ට පමණ එම අධි බලැති විදුලි සම්පේ‍්‍රෂණ කුළුණ ඉහළට නැග ඇති අදාළ පුද්ගලයා සවස 04 ට පමණ නැවත එම කුළුණින් බැස ඇති බවයි පොලිසිය පැවසුවේ.
කෙසේ වෙතත්, අදාළ පුද්ගලයා විදුලි සම්පේ‍්‍රෂණ කුළුණ මතට නැගීමට හේතු වූ කරුණු පැහැදිලිව ප‍්‍රකාශ කර නොමැති බවයි පොලිස් මාධ්‍ය ප‍්‍රකාශක කාර්යයාලය පැවසුවේ.
