Sep
14
නිට්ටඹුවේ රිය අනතුරකින් පොලිස් සැරයන්වරයෙකු මරුට
නිට්ටඹුව - හොරගොල්ල ප්රදේශයේදී සිදුවූ රිය අනතුරකින් පොලිස් සැරයන්වරයෙකු ජීවිතක්ෂයට පත්ව තවත් කොස්තාපල්වරයෙකු තුවාල ලබා රෝහල්ගත කර තිබෙනවා.
රථවාහන රාජකාරි අවසන් කර ඊයේ නිවෙස බලා යමින් සිටියදී ඔවුන් ගමන් ගත් යතුරුපැදිය මාර්ගය අයිනේ නවතා තිබූ මෝටර් රථයක සහ ජීප් රථයක ගැටීමෙන් මෙම අනතුර සිදුව ඇති බවයි පොලීසිය සඳහන් කළේ.
අනතුරින් මියගොස් ඇත්තේ පෑලියගොඩ දිසා රථවාහන අංශයට අනුයුක්තව රාජකාරි කළ පස්යාල ප්රදේශයේ පදිංචි 48 හැවිරිදි සැරයන්වරයෙක්.
තුවාල ලැබූ පොලිස් කොස්තාපල්වරයා මේ වනවිට කොළඹ ජාතික රෝහලේ ප්රතිකාර ලබන බවයි පොලීසිය සඳහන් කළේ.
