Sep
18
මාස 6ක බිළිඳාට මරු කැඳවු අනතුර
පුත්තලම - කොළඹ මාර්ගයේ පුත්තලම වන සංරක්ෂණ කාර්යාලය අසල දී සිදුවු රිය අනතුරකින් මාස 6ක් වයසැති බිළිඳෙක් ජීවිතක්ෂයට පත්ව තිබේ.
ඊයේ (17) දහවල් 1.20 ට පමණ එම අනතුර සිදුව ඇත.
කොළඹ දෙසට ධාවනය වු යතුරුපැදියක් දකුණට හැරවීමට යෑමේ දී පුත්තලම දෙසට ධාවනය වු මෝටර් රථයක සහ තවත් යතුරු පැදියක ගැටී අනතුර සිදුව තිබේ.
අනතුරින් තුවාල ලැබු පැදිකරු, පසුපැදිකාරිය හා බිළිඳා පුත්තලම රෝහලට ඇතුළත් කිරීමෙන් අනතුරු ව බිළිඳා ජීවිතක්ෂයට පත්ව තිබේ.
මියගිය බිළිඳා මිහිරාජ්පුරම්, මුන්දම ප්‍රදේශයේ පදිංචිකරුවෙකි.
අනතුර සම්බන්ධයෙන් මෝටර් රථ රියදුරු අත්අඩංගුවට ගෙන ඇති අතර, පුත්තලම පොලීසිය වැඩිදුර විමර්ශන සිදුකරයි.
