Nov
18
වාහන ආනයනයට ඉඩ දෙන්නේ කවදා ද ?
මෙරටට මෝටර් රථ ආනයනය කිරීම සම්බන්ධව මුදල් අමාත්‍යාංශ ලේකම් එස්.ආර් ආටිගල මහතා විශේෂ ප්‍රකාශයක් සිදු කරමින් අනාවරණයක් කළේය.
ඒ අනුව, වාහන ආනයන සීමා ලිහිල් කිරීමට කිසිසේත් බලාපොරොත්තු නොවන බව මුදල් අමාත්‍යාංශ ලේකම් එස්.ආර් ආටිගල මහතා පැවසීය.
"දැනට, වාහන පිටරටින් ගේන්න අවසරදීම ගැන තීරණයක් අරන් නෑ. පැහැදිළිවම වාහනයක් ද මුළු රටක්ද කියලා තමයි අපි බලන්නේ. අපිට මේ මාස 10ක් විතරම විනිමය අනුපාතය 185 ලෙවල් එකේ තියාගන්න පුළුවන් වුණා. වාහන ගේන්න ඉඩ දුන්නා කියලා කියන්නේ මේක යනවා. මේ රටේ එකලස් කරනවා නම් අපි ඕනම සහයෝගයක් දෙනවා. මෝටර් බයිසිකලයක් හරි එකලස් කරනවා නම් ඒක මේ රටේ ආර්ථිකයට එකතු කරනවා අගයක්. ආනයනය නවත්වනවාම කියලා නෙමෙයි මම මේ කියන්නේ. එහෙම එක්ක බෑ. අපි කරන්නෙත් නෑ. සමහර නිෂ්පාදනවලට අමුද්‍රව්‍ය පිටරටින් ගේන්න වෙනවා. ඒක කරනවා. සමහර නිමි භාණ්ඩ අපි ගේන්නේ නෑ. කහ ගේන්නෙත් නෑ," යනුවෙන් ද සඳහන් කළේය.
ආර්ථිකය ප්‍රසාරණය කිරීමට ඉඩ සලසමින් සියලුම ජනතාව එක්ව සංවර්ධනය කරා යොමුකරවීම ඉලක්ක කර ගනිමින් ලබන වසර සඳහා වන අයවැය ඉදිරිපත්කර ඇති බවද මහා භාණ්ඩාගාරයේ සහ මුදල් අමාතංශයේ ලේකම් එස්.ආර් ආටිගල මහතා පැවසීය.
බදු සහන ලබාදීම තුළින් ආර්ථික ක්‍රියාවලිය සක්‍රීය වී ජනතාවට වැඩි ආර්ථික අවස්ථා නිර්මාණය වන බව ඔහු පෙන්වා දෙයි.
