Oct
10
රටම තීරණාත්මක තැනකට..? සංචරණ සීමා කරයි..?
කොරෝනා වසංගත තත්ත්වයට අදාළව ලැබීමට නියමිත මූලික වාර්තා එළැඹෙන සතියේ ලැබීමත් සමග රට තීරණාත්මක තත්වයකට පත් වන බව සෞඛ්‍ය අංශ සඳහන් කරයි.
රජයේ වෛද්‍ය නිලධාරීන්ගේ සංගමය සඳහන් කරන්නේ එකී වාර්තා මත පදනම්ව සංචරණ සීමා කිරීම ඇතුළු ජනතාවට බොහෝ ලෙස බලපාන තීරණ ගණනාවකට එලඹීමට ඉඩ ඇති බවයි.
සංගමයේ සහකාර ලේකම් වෛද්‍ය නවීන් ද සොයිසා මහතා පෙන්වා දෙන්නේ කොරෝනා වෛරසය නවතම ප්‍රභේදය හා එය පැතිරීමෙන් මූලාරම්භය ගැන ඉදිරි දින දෙක ඇතුළත පැහැදිලි තීරණ අනාවරණය වනු ඇති බවයි.
ඒ සමගම රටක් වශයෙන් වැදගත් තීන්දු කිහිපයකට එළැඹීමට වනු ඇතැයිද ඔහු සඳහන් කළේය.
මෙවර පැතිරෙමින් ඇති වෛරසය ප්‍රබලතාවය වැඩි බවක් පෙන්වන බවත් එමගින් බෝ වීමේ සීඝ්‍රතාවය ඉහළ මට්ටම ඇති බවත් පෙන්නුම් කරන බවද ඒ මහතා කියා සිටියේය.
-lankacnews
