Sep
16
රත්නපුර - අවිස්සාවේල්ල මාර්ගයේ මාරක අනතුරක්, තිදෙනෙක් මරුට (වීඩියෝ)
රත්නපුර - අවිස්සාවේල්ල ප්රධාන මාර්ගයේ දිවුරුම්පිටිය ප්රදේශයේ දී සිදුවූ අනතුරකින් පුද්ගලයින් තිදෙනෙකු ජීවිතක්ෂයට පත්ව තිබේ.
අවිස්සාවේල්ල සිට රත්නපුර දෙසට ගමන් කළ ත්රීරෝද රථයක ඊට පිටුපසින් පැමිණි ලොරි රථයක් ගැටීමෙන් අනතුර සිදුව ඇති බව පොලීසිය පැවසුවේ ය.
එහිදී ත්රීරෝද රථයේ රියදුරු සහ එහි ගමන් කළ තවත් පුද්ගලයින් දෙදෙනෙකු අවිස්සාවේල්ල රෝහලට ඇතුලත් කිරීමේ දී මෙලෙස ජීවිතක්ෂයට පත්ව ඇත.
මිය ගොස් ඇත්තේ අවිස්සාවේල්ල ප්රදේශයේ පදිංචිව සිටි අවුරුදු 48,53 සහ 57 යන වයස්වල පසුවූ පුද්ගලයින් තිදෙනෙකි.
අනතුරට සම්බන්ධ ලොරි රථයේ රියදුරු අත්අඩංගුවට ගෙන ඇති අතර අවිස්සාවේල්ල පොලීසිය මේ පිළිබද වැඩිදුර විමර්ශන සිදුකරයි.
