Sep
06
දෙවැනි ගමනේ ගුටි කෙළිය
විවාහ මංගල උත්සවයකදී ඇති වූ පහරදීමක් සම්බන්ධයෙන් එම පහරදීමට සම්බන්ධ මනාලියගේ පාර්ශ්වයේ සිව්දෙනෙකු පසුගිය (02දා) හික්කඩුව කළුපේ ප්‍රදේශයේදී අත්අඩංගුවට ගත් බැව් තෙලිකඩ පොලිසිය පවසයි.
මනාලිය කැන්දාගෙන ඒම නිමිත්තෙන් පැවති උත්සවය තෙලිකඩ, මාජුවාන ප්‍රදේශයේ මනාලයාගේ නිවසේ මීට දින තුනකට පමණ ඉහතදී පවත්වා ඇත.
එහිදී මනාලියගේ පාර්ශ්වයේ පිරිසක් මත්පැන් පානය කොට විනෝද වෙමින් සිටියදී ඇතිවූ ආරවුලක් දුරදිග යාමෙන් ගැටුමක් ඇතිවී තිබේ.
මෙහිදී මනාලියගේ පාර්ශ්වයේ පිරිසක් මනාලයාගේ මවට, පියාට හා මනාලයාට පහරදී ඇති බව පොලිසිය පවසයි.
පහරදීමෙන් මනාලයාගේ මව තුවාල ලබා රෝහල්ගත කොට ඇත.
මෙකී පහරදීමේ සිද්ධියට මනාලියගේ පාර්ශ්වයේ අටදෙනෙකු සම්බන්ධ බව විමර්ශනවලදී අනාවරණය වී ඇත. කළුපේ ප්‍රදේශයේදී අත්අඩංගුවට ගෙන ඇත්තේ ඉන් සිව්දෙනෙකුය. සැකකරුවන් සිව්දෙනා (03 වැනිදා) අධිකරණය වෙත ඉදිරිපත් කිරීමට නියමිතව තිබිණි.
ලංකින්ද නානායක්කාර- ඉමදුව
