Aug
12
19 ක්‍ෂණිකව අහෝසි කරන බව බැසිල් කියයි.. (වීඩියෝ)
19 ව්‍යවස්ථා සංශෝධනය ක්‍ෂණිකව අහෝසි කළ යුතු බව ශ්‍රී ලංකා පොදුජන පෙරමුණේ ජාතික සංවිධායක බැසිල් රාජපක්ෂ මහතා සඳහන් කරයි.
ඒ සමඟම ඉතා ඉක්මනින් නව ව්‍යවස්ථාවක් ගෙන ආයුතු බවද පවසන ඔහු එම නව ව්‍යවස්ථාව අණ්ඩ දමා නිතර පිලිසකර කිරීමට අවශ්‍ය නොවන එකක් විය යුතු බවද පවසයි.
19 සංශෝධනය අහෝසි කළ වහාම 18 වැනි සංශෝධනය බලාත්මක වන බවද කී ඔහු ඒ සම්බන්ධයෙන් ද සිතා බැලිය යුතු බවද සඳහන් කළේය.
තෙවරක් ජනාධිපති ධූරය දැරීම සම්බන්ධයෙන් ජනතාව අප‍්‍රසාදයෙන් සිටින බවත් ව්‍යවස්ථා සංශෝධන සිදු කිරීමේ දී ඒවා සම්බන්ධයෙන් දැඩි අවධානය යොමු කළ යුතු බවත් කියා සිටියේය.
ඔහු මෙම අදහස් පල කරන ලද්දේ හිරු රූපවාහිනියේ සලකුණ වැඩසටහනට එක්වෙමිනි.
