Aug 01

බාල වයස්‌කාර දරුවා අපයෝජනය කළ විවාහක කත රිමාන්ඩ්


අවුරුදු 15 ක්‌ වයසැති පිරිමි දරුවකු බරපතළ ලෙස අපයෝජනයක්‌ සඳහා පොළඹවා ගැනීමේ චෝදනාවට ලක්‌වූ 29 වියෑති විවාහක කාන්තාවක්‌ මෙම මස 11 දා දක්‌වා රක්‍ෂිත බන්ධනාගාරගත කිරීමට මහෙස්‌ත්‍රාත් සනත් නානායක්‌කාර මහතා ඊයේ (31 දා) දහවල් නියෝග කළේය.

 මෙම කාන්තාව වින්දිත දරුවා හඳුනාගෙන ඇත්තේ මුහුණු පොත ඔස්‌සේය. එම දරුවා නිසි ලෙස පාසල් නොයන දරුවකු බව පැවසේ. දරුවා දැන හඳුනාගත් කාන්තාව ඔහු උපක්‍රමිකව තමන් ළඟට ගෙන්වාගෙන අවස්‌ථා කිහිපයකදී අපයෝජනය කර ඇති බව පොලිස්‌ පරීක්‍ෂණවලදී අනාවරණය වී තිබේ. ඉන්පසු දරුවා පදිංචි ප්‍රදේශයට ගොස්‌ ඇති බවත් මේ පිළිබඳව දරුවාගේ දෙමාපියන් පරිවාස නිලධාරීන් වෙත දැනුම් දීමෙන් පසු අදාළ කාන්තාව අත්අඩංගුවට ගත් බවත් පොලිසිය අධිකරණය හමුවේ කියා සිටියේය.

විවාහ වුව ද දරුවන් නොමැති මෙම විත්තිකාරිය මාස හතරක පමණ කාලයක්‌ පිරිමි දරුවා අපයෝජනයට ලක්‌ කොට ඇති බව ද එම නිලධාරීන් වැඩිදුරටත් අධිකරණයට කරුණු දක්‌වමින් කියා සිටියේය. ඒ අනුව කරුණු සලකා බැලූ මහෙස්‌ත්‍රාත්වරයා විත්තිකාරිය රක්‍ෂිත බන්ධනාගාරයේ තැබීමට නියෝග කළේය.

මෙහිදී වින්දිත දරුවා ද අධිකරණ වෛද්‍යවරයා වෙත යොමුකර වාර්තාවක්‌ ලබාගන්නා ලෙසට ද මහෙස්‌ත්‍රාත් නියෝග ලැබිණි.

මැදිරිගිරිය පොලිසිය පැමිණිල්ල මෙහෙය වූ අතර නීතිඥ සමිතා ජයසේකර මහත්මිය විත්තිය වෙනුවෙන් පෙනී සිටියාය.

අතුල සූරිය බණ්‌ඩාර - දිවයින
ඔබේ ප්‍රතිචාරය කුමක්ද?

Gossip Lanka | Gossip Lanka News

Copyright © 2013-2020 Gossip-LankaNews Email: editor(at)gossip-lankanews.com
Advertising: Contact Here Editor: Contact Here
All the content on this website is copyright protected.
www.Gossip-LankaNews.com is a Sri Lankan online news website with rich content of 24 hours updated Sri Lankan and world news Reporting in English and Sinhala language. Gossip Lanka is The premium exclusive Sri Lankan Online News Network providing around the clock breaking news in local, international, world, politics, sports, entertainment, hot gossip, event photos and Videos. We provide Sri Lanka news, Latest News updates and information, Sri Lanka Business News, Breaking news and updates, celibrity Gossip , Sri Lanka cricket news, Business and finance news, A collection of news items from many sources, Stock Market News and Discussions, Balanced Independent news provider, Breaking Hot News from Sri Lanka, Entertainment hot gossip update throughout the day, include Sri Lanka news paper articles written in Sinhala and English Language like lankadeepa, lakbima, rivira, adaderana, nethfm, mawbima, divaina, hirunews, hiru gossip, dinamina, sundayleader, dailymirror, srilankamirror, dailynews, newsfirst, lankacnews.