නුවරඑලිය දිස්ත්‍රික්කයෙන් මහ මැතිවරණය සදහා ස්වාධින කණ්ඩායම් දෙක යටතේ අඹ ගෙඩිය සලකුණ යටතේ තරග කරන අපෙක්ෂකයෙකුට නාදුනන පිරිසකගෙන් ප්‍රහාරයක් එල්ල වි ඇත.

බගවන්තලාව කැම්පියන් වතු යායේ පදිංචි කනගරත්නම් රාජා නැමති අපෙක්ෂකයා (25) දින දවස පුරා බගවන්තලාව ප්‍රදේශයේ වතු ආශ්‍රිතව මැතිවරණ ප්‍රචාරක කටයුතු සිදු කර (25) දින රාත්‍රි ඔහුගේ ආධාරකරුවන් දෙදෙනෙකු සමග හැටන් දික්ඔය ප්‍රදේශයට ගොස් ආපසු එන අතුරතුර බගවන්තලාව හැටන් ප්‍රධාන මාර්ගයේ සෙන් ජොන් ටිලරි වත්ත ප්‍රදේශයේදි ධාවනය වෙමින් තිබු ත්‍රිරෝද රථයට රාත්‍රි 7.30 ට පමණ මුලින්ම ගල් ප්‍රහාරයක් එල්ල වි ඇත.

ත්‍රිරෝද රථයට ගල් ප්‍රහාරය එල්ල විමත් සමග ධාවනය වෙමින් තිබු ත්‍රිරෝද රථය නතර කල රියදුරා එය පරික්ෂා කර බැලිමට ත්‍රිරෝදරථයෙන් බසිනවාත් සමග මුගුරු අතතිව පැමිණි නාදුනන සිව්දෙනෙක් ත්‍රිරෝද රථයේ සිටි අපෙක්ෂකයා බිමට ඇද දමා පහර දි තුවාල සිදු කර ඔහුගේ ආධාරකරුවන්ට ද පහර දි පලා ගොස් ඇත.

උඹලා තේ දළු කඩන්න , උඹලට ජන්දය ඉල්ලන්න කිසිය අයිතියක් නැ යනුවෙන් තමන්ට පහර දුන් බවත් , පහර දිමට පෙර දින තම දුරකථනයට තර්ජනාත්මක ඇමතුම් කිහිපයක් ලැබුණු බවත් , ඒ පිලිබදව තමන් බගවන්තලාව පොලිසියට පැමිණිලි කල බවයි කනගරත්නම් රාජා කියා සිටියේ.

පහර කැමෙන් තුවාල ලැබු අපෙක්ෂකායව ඔහුගේ ආධාරකරුවන් විසින් 1990 සුව සැරිය මගින් බගවන්තලාව ප්‍රාදේශිය රෝහලට ඇතුලත් කිරිමෙන් තුවාල කරු වැඩිදුර ප්‍රතිකාර සදහා දික්ඔය මුලික රෝහල වෙත මාරු කර යවා ඇත.

මෙම පහර දිම සම්බන්ධයෙන් අප බගවන්තලාව පොලිසියේ ස්ථානාධිපති ප්‍රධාන පොලිස් පරික්ෂක ශාන්ත බණ්ඩාර මහතාගෙන් කල විමසුමකට ඔහු කියා සිටියේ පැමිණිල්ල සම්බන්ධයෙන් විමර්ෂණයක් මේ වන විට ආරම්භ කර ඇති බවයි.

- හැටන් රංජිත් රාජපක්ෂ
- Lanka C News