Jun
11
රත්මලාන වෙඩි තැබීමට සම්බන්ධ සැකකරුවන් ආයුධ පෙන්වයි
රත්මලාන සොයිසාපුර අවන්හලකට වෙඩි තැබීමේ සිද්ධිය සඳහා යොදා ගැනුණු T 56 වර්ගයේ ගිනිඅවියක් සහ උණ්ඩ පිළියන්දල සුවරාපොල ප‍්‍රදේශයේදී අද සොයා ගැනුණා.
එම අවන්හලට වෙඩි තැබීම සඳහා සැකකරුවන් පැමිණි මෝටර් රථය සහ එහි රියදුරු ද බස්නාහිර පළාත් බුද්ධි කොට්ඨාශය මගින් ඉකුත් දා අත්අඩංගුවට ගැනුණේ ද පිළියන්දල ප‍්‍රදේශයේදීයි. මෙලෙස අත්අඩංගුවට ගැනුණේ 50 හැවිරිදි එම ප‍්‍රදේශයේම පදිංචිකරුවෙක්.
ඔවුන්ගෙන් ලැබුනු තොරතුරු අනුව මෙලෙසට ආයුධ සොයා ගෙන තිබුනා.
මෙම සිද්ධියට සම්බන්ධ ප‍්‍රධාන සැකකරුවෙකු වන ‘‘ගොනා කෝවිලේ රාජා’’ නමැත්තා අත්අඩංගුවට ගැනීම සඳහා ඉකුත් 06 වනදා පොලීසිය විසින් මෙහෙයුමක් ආරම්භ කළේ ඔහු රැඳී සිටි මිනුවන්ගොඩ, බල්ලපාන ප‍්‍රදේශයේ පිහිටි නිවෙසක් වටලමින්.
එහිදී සැකකරු පොලීසියට වෙඩි තබා තිබූ අතර පොලීසිය එල්ල කළ ප‍්‍රතිප‍්‍රහාරයකින් සැකකරු ජීවිතක්ෂයට පත්වුණා.
