May
10
කල් දැමුණු වාහන ලීසිං වාරික ඉදිරි වාරිකවලට එකතු කරලා
ලීසිං ආයතන මගින් ලබා ගෙන ඇති භාණ්ඩ හා වාහන සඳහා මාර්තු මාසයේ සිට මාස හයක් සඳහා ණය වාරික අයකිරීම කල්දමන ලෙසට මුදල් අමාත්‍යංශය දැණුම් දී තිබියදී එම මාස හයේ වාරික මුදල් ගෙවීමට ඇති ඉතිරි මාසවල ණය වාරික සඳහා එකතු කිරීමෙන් මෙතෙක් ගෙවීමට තිබූ ණය වාරික මුදල දෙගුණ වී ඇති බව ණය හිමියෝ පවසති.
ඒ අනුව මෙතෙක් ගෙවූ ණය වාරිකය අගෝස්තු මාසයේ සිට වැඩිවීම හේතුවෙන් දැඩි දුෂ්කරතාවයට පත්ව සිටින බව ඔවුහු පවසති.
ණය ගෙවුම් ගිවිසුම් කාලය දිර්ඝ කරනුවෙනුවට වාරික අයනොකරන මාස හයට දඩමුදලක් සමග ගෙවීමට ඇති ඉතිරි ණය වාරිකවලට එම මුදල්ද එකතු කිරීමෙන් සිදුවන්නේ තමන් තවදුරටත් අසරණ කිරීම බව ඔවුන් පවසයි.
මේ සම්බන්ධයෙන් හිටපු මුදල් රාජ්‍ය අමාත්‍ය සෙහාන් සේමසිංහගෙන් කළ විමසුමකදී ඔහු සඳහන් කළේ ඉදිරියේ පත්වීමට නියමිත නව ආණ්ඩුවක් බලයට පත්වීමෙන් පසු මේ සඳහා විසඳුම් ලබා දෙන බවත්, එතෙක් මේ සම්බන්ධයෙන් මුදල් අමාත්‍යාංශයේ නිලධාරින් දැනුවත් කිරීමට කටයුතු කරන බවත්ය.
Source - Aruna
