Apr
27
ත‍්‍රස්ත විමර්ශන ඒකකය විසින් අත්අඩංගුවට ගනු ලැබූ සාදික් නමැති ප‍්‍රධාන පෙළේ සැකකරුවෙකුගෙන් කරන ලද ප‍්‍රශ්න කිරීම්වලදි සහරාන්ගේ තවත් කඳවුරක් පිළිබඳ අනාවරණය වී තිබෙනවා.
පාස්කු ප‍්‍රහාරයෙන් වසරකට පසු මෙම කඳවුර පිළිබඳ අනාවරණය වෙන අතර එය මූතූර් ප‍්‍රදේශයෙන් සොයාගෙන තිබෙනවා.
මෙම සැකකරු මාවනැල්ල බුදුපිළිමවලට හානි කිරීමේ ප‍්‍රධාන චූදිතයෙක්ද වනවා.
ඔහු 2014 දී තුර්කිය හරහා සිරියාවට ගොස් අයි. එස්. පුහුණුව ලබා ඇති බවයි විමර්ශනවලදී හෙළි වි ඇත්තේ.
අක්කර 15 ක භූමි භාගයක ගොවිපොළක් ලෙස ඉතා රහසිගතව මෙම කඳවුර පවත්වාගෙන ගොස් ඇති අතර අදාළ ඉඩම මාවනැල්ල ප‍්‍රදේශයේ පූජකයෙකුට අයත් බව හෙළි වී තිබෙනවා.
මෙම කඳවුරේදී මාවනැල්ල ප‍්‍රදේශයේ තරුණයන් 5 දෙනෙකු අවි පුහුණුව ලබා ඇතැයි සඳහන්. ඔවුන්ද අපරාධ පරීක්‍ෂණ දෙපාර්තමේන්තුව විසින් අත්අඩංගුවට ගනු ලැබ ඇති අතර ඔවුන්ගෙන් දීර්ඝ ප‍්‍රශ්න කිරීම් සිදුකෙරෙමින් පවතිනවා.
