Apr
18
කොරෝනා වෛරස ව්‍යාප්තිය හේතුවෙන් අඩාල වූ ජන ජීවිතය යථා තත්ත්වයට පත් කිරීමට සඳහා ආර්ථිකය නැවත පණ ගැන්වීම පිණිස වූ උපායමාර්ගය ජනාධිපති ගෝඨාභය රාජපක්ෂ මහතා විසින් හෙට ප්‍රකාශයට පත් කිරීමට නියමිතව ඇති බව වාර්තා වෙයි.
මේ සම්බන්ධයෙන් ජනාධිපතිවරයා විසින් සෞඛ්‍ය හා ආරක්ෂක අංශ ඇතුළු රජයේ ප්‍රධාන නිලධාරින් සමග පසුගිය සතියේ සාකච්ඡා කිහිපයක්ම පවත්වනු ලැබිය.
මේ අතර රටපුරා සියලුම දිසාපතිවරුද අතර විශේෂ හමුවක් ජනාධිපති ලේකම් කාර්යාලයේදී හෙට දිනයේ පැවැත්වීමට නියමිතව ඇත.
අඩු අවදානම් දිස්ත්‍රික්කවල සේවකයන් 50% එක්වර සේවයට කැඳවීම සහ අධි අවදානම් කලාපවල ආයතනවල සේවකයන් 20% එකවර සේවයට කැඳවීමට සූදානමක් ඇති බැවින් එම තීරණය ක්‍රියාත්මක කිරීමට පෙර තත්ත්වය සමාලෝචනය කිරීම දිස්ත්‍රික් ලේකම්වරුන් මෙසේ කැදවා ඇතැයි සදහන්ය.
හෙට පැවැත්වෙන මෙම සාකච්ඡාවෙන් පසු රාජ්‍ය ආයතන වල ඉදිරි කටයුතු පිළිබඳව චක්‍රලේඛයක් නිකුත් කිරීමට නියමිත බව වාර්තා වෙයි.
