Aug
18
කලිසම් වාටියේ සඟවා මහරට කුඩු ඇද්ද කත අල්ලයි !
මහර බන්ධනාගාරයේ රැඳවියෙකු බැලීම සඳහා අද (18) එම බන්ධනාගාරයට පැමිණි කාන්තාවක අදාළ රැඳවියා වෙත කලිසම් වාටියක සඟවා සූක්ෂම අයුරින් ලබාදීමට උත්සහ කළ මත්කුඩු පැකට් 2ක් සමග අත්අඩංගුවට ගැනීමට මහර බන්ධනාගාරයේ රාජකාරියේ නියුතු නිලධාරීන් පිරිසක් සමත්ව තිබේ.
හෙරොයින් ළඟ තබා ගැනීමේ චෝදනාව මත වත්තල මහේස්ත්‍රාත් අධිකරණය විසින් රක්ෂිත බන්ධනාගාරගත කරන ලද ඡා-ඇළ ප්‍රදේශයේ පදිංචි අදාළ රැඳවියාගේ බිරිඳ මෙලෙස මත් කුඩු රැගෙන ගොස් ඇති අතර, ඇය මීට පෙර ද සොරකම් නඩුවක් සම්බන්ධයෙන් බන්ධනාගාරගතව සිට මීට මාස 6ට පමණ පෙර නිදහස ලැබූ කාන්තාවකි.
අත්අඩංගුවට ගත් කාන්තාව ඉදිරි නීතිමය කටයුතු සඳහා සහ වැඩිදුර විමර්ශන කටයුතු සඳහා රාගම පොලිසිය වෙත භාර දී තිබේ.
කුසුම්. එස්. හැන්නදි - මව්බිම
