Jul
05
කිලිනොච්චියේ පිපිරීමක්…
කිලිනොච්චිය ඉයක්කච්චි නිත්තිය වෙඩ්ඩෙයි ප්‍රදේශයේදී නිවසක් තුල ඊයේ (04) සිදු වූ පිපිරීමකින් කාන්තාවක් බරපතල තුවාල ලබා රෝහල් ගත කොට ඇති බවට පලෙයි පොලීසිය පවසයි.
එමෙන්ම තුවාල ලැබූ කාන්තාවගේ නිවස පරික්ෂා කිරීමේදී එල්.ටී.ටී.ඊ. සංවිධානයේ කොඩියට සාමාන වූ කොඩියක් සඟවා තිබියදී සොයාගත් බවටද පොලීසිය පැවසීය.
අදාල කාන්තාව පුපුරණද්‍රව්‍ය ප්‍රමාණයක් එක් කොට බෝම්බයක් වැනි යම්ක් සෑදීමට ගත් උත්සහයකදී එය පුපුරා යාමෙන් මෙම අනතුර සිදුව ඇති අතර එහිදී බරපතල තුවාල ලබා ඇති බවට මූලික පොලිස් පරික්ෂණ වලදී හෙලී වී ඇත.
අදාල පුපුරණද්‍රව්‍ය යොදා සකසන ලදදේ කුමක්ද යන්න මේ වන විට පරික්ෂණ සිදු කෙරෙන අතර තුවාල ලැබූ කාන්තාව 35 හැරිදි කාන්තාවක් වන අතර මේ වන විට ඇය යාපනය ශික්ෂණ රෛා්හලේ ප්‍රතිකාර ලබමින් සිටියි.
කෙසේ නමුත් නිවසේ තිබී කොටි සංවිධානයේ කොඩියක් තිබී හමුවීම හා අදාල පිපිරීම සමිබන්ධයෙන්ද මූලික පරික්ෂණ පලෙයි පොලීසිය සිදු කලද ඉදිරි පරික්ෂණ කටයුතු සිදුකරගෙන යාම සඳහා යාපනය පොලිස් ත්‍රස්ත විමර්ශන ඒකකය විසින් සිදු කිරීමට නියමිත බවටද පලෙයි පොලීසිය වැඩි දුරටත් පැවසීය.
– වන්නි රොමේෂ් මධුෂංඛ
