Sep
22
ප්‍රමෝද්‍යගේ ප්‍රකාශය ගැන පරීක්ෂණයක් ඕනෑ - ක්‍රිකට් ක්‍රීඩකයෝ 40ක් ලිපියකින් කියති
ශ්‍රී ලංකා ක්‍රිකට් කණ්ඩායමේ ටෙස්ට් හා එක්දින නායකයන්වන දිනේෂ් චන්දිමාල් හා උපුල් තරංග විසින් මෙම ලිපිය ක්‍රිකට් ආයතනයට භාර දී ඇති බව වාර්තා වෙයි.
ප්‍රමෝද්‍ය වික්‍රමසිංහ මහතා එහිදී පසුගිය ඉන්දීය තරගාවලිය පිළිබඳව කළ ප්‍රකාශයන් සම්බන්ධයෙන් පරීක්ෂණයක් කරන ලෙස ක්‍රිකට් ක්‍රීඩකයන් එම ලිපිය මගින් පවසා ඇති බව සඳහන් වෙයි.
ඉන්දීය තරගාවලියේදී ශ්‍රී ලංකා කණ්ඩායම අස්වාභාවික ලෙස තරග පරාජය වූ බවත් තරගවල ගත් ඇතැම් තීරණ ක්‍රීඩාගාරයේ පිටත පුද්ගලයකුගේ බලපෑම් මත සිදුවූ බවටත් ප්‍රමෝද්‍ය වික්‍රමසිංහ චෝදනා කර තිබුණි.
මෙම චෝදනා ප්‍රතික්ෂේප කරන ශ්‍රී ලංකා ක්‍රිකට් ක්‍රීඩකයන් එවැනි චෝදනා මගින් කණ්ඩායම දැඩි අපහසුතාවකට පත්වන බවත් ඒ පිළිබඳව කඩිනම් පරීක්ෂණයක් පවත්වා සත්‍ය හෙළිකරන ලෙසත් එම පරීක්ෂණ සඳහා ක්‍රීඩකයන්ගේ සම්පුර්ණ සහය ලබාදෙන බවත් ක්‍රීඩකයන් ලිපියේ සඳහන් කර ඇතැයි වාර්තා වේ.
- අද
