ඒ අනුව මෙම ප්‍රහාරයට සම්බන්ධ සැකකරුවන් අතරින් දස දෙනකුට වැඩි පිරිසක් මේ වන විට හඳුනාගෙන ඇති බව ජ්‍යෙෂ්ඨ පොලිස් නිලධාරියෙක් පැවසීය.

මෙම ඝාතන කල්ලිය අත්අඩංගුවට ගැනීම සඳහා රට පුරා පොලිස් කණ්ඩායම් පහක් තවත් පොලීසි ගණනාවක සහාය ඇතිව පුළුල් මෙහෙයුමත් කර ගෙන යන අතර පොලිසියෙන්බේරීම සඳහා ඔවුන් තැනින් තැනට පළා යමින් සැඟවෙමින් රටින් පළා යාමට උත්සාහ කරන බවද හෙළි වී තිබේ .

ඔවුන්ට කිසිසේත් රටින් පළා නොහැකි වන පරිදි කටුනායක සහ මත්තල ගුවන් තොටුපළවලත්, සියලුම හොර මුහුදු මාර්ගවලත් ආරක්ෂඛ විධිවිධාන තර කර තිබේ.

මේ අතර මොවුන්ගේ නම්වලට ව්‍යාජ නම් යොදා හොර රහසේ ව්‍යාජ විදෙස් ගමන් සකස් කළේ යැයි කියන සිද්ධියක් සම්බන්ධයෙන් ද තොරතරු ලැබී ඇති අතර ඒ සම්බන්ධයෙන් ද පරීක්ෂණ පවත්වයි.
සමයං ඝාතනයට අංගොඩ ලොක්කාගේ සහ මදූෂගේ පාතාල කල්ලි දෙකේම සාමාජිකයන් අඩුම වශයෙන් පහළොවකට වැඩි සංඛ්‍යාවක් සහභාගි වී ඇතැයි පොලීසිය විශ්වාස කරයි.

මීට වසර කිහිපයකට පෙර දකුණේ පාතාල කණ්ඩායමක් දකුණු පළාත් සභාවේ හිටපු ඇමැතිවරයතු වු ඩැනී හිත්තැටිය මහතා ඝාතනය කර තිබුණි.

එම ඝාතනය සමයං ඝාතනයට සහාය වී ඇති මදූෂ නමැති පාතාල නායකයා සිදුකර ඇති බවටද තොරතුරු අනාවරණය කරගෙන තිබුණි.

එම සිද්ධියෙන් පසු මෙරටින් පළා ගොස් සිටි මදුෂ නමැත්තා යළි මෙරටට පැමිණ ඇතැයි ද පොලිසිය විශ්වාස කරයි.

මෙම ඝාතන සැලසුමට සම්බන්ධ සැකකරුවන් කොටුකර ගැනීමට අද හෙටම හැකි වෙන බවද පොලිසිය පවසයි.