Nov 05

පොලීසියෙන් කඩපු තරුණ අතකට ලැබුනු වන්දිය


අත්අඩංගුවට ගනු ලැබූ තරුණයකුට අතක් කැඩෙන්න පහර දීමෙන් කළ හිරිහැරයට වන්දියක් ලෙස රුපියල් ලක්ෂයක් එම තරුණයාට ගෙවන්නැයි ශ්‍රේෂ්ඨාධිකරණය අනුරාධපුර පොලිස් ස්ථානාධිපතිවරයාට නියෝග කළේය.

ඊට අමතරව රු. 50,000/- බැගින් තරුණයාට ගෙවිය යුතු යැයි එම පොලිස් කණ්ඩායමේ සිටි හිටපු ප්‍රධාන පොලිස් පරීක්ෂක ගාල්ලගේ සහ උප පොලිස් පරීක්ෂක අමරසිංහ යන දෙදෙනාටද ශ්‍රේෂ්ඨාධිකරණය නියෝග කළේය.

ශ්‍රේෂ්ඨාධිකරණය එකී නියෝග නිකුත් කළේ අනුරාධපුර මහවලුකුලම පදිංචි ලලන්ත අනුරාධ නන්දසේන නමැති අය ගොනුකර තිබූ මූලික අයිතිවාසිකම් නඩුවක් විභාග කිරීමෙන් අනතුරුවයි.

බුවනෙක අළුවිහාරේ, මූර්දු ප්‍රනාන්දු, එස්. එස්. තුරෙයිරාජා සහ ත්‍රිපුද්ගල විනිසුරු මඩුල්ලක් හමුවේ පෙත්සම විභාග විය.

පෙත්සමේ සඳහන් අන්දමට මෙම පහරදීම සිදුව ඇත්තේ 2013 සැප්තැම්බර් 25 දායි. 2 හා 3 යන වගඋත්තරකාර පොලිස් නිලධාරීන් විසින් අත්අඩංගුවට ගත් පෙත්සම්කරුට පහර දී ඇත. එසේ පහරදීම නිසා පෙත්සම්කරුගේ දකුණු උරහිස කැඩී ඔහු සිහිසුන් වී ඇත. ඔහුට පියවි සිහිය ලැබෙන විට ඔහු ප්‍රදේශයේ ආයුර්වේද මධ්‍යස්ථානයකට ගෙන ගොස් සිටි බව දැනගන්නට ලැබී තිබේ.

ඊට පසුදින නැවතත් තරුණයා ජීප් රථයට නංවාගෙන ටික දුරක් ගෙන ගොස් පිස්තෝලයක් පෙන්වා පහරදීම ගැන කිසිවකුට හෝ පැමිණිලි කළහොත් මරා දමන බවට තර්ජනය කර පසුව මහෙස්ත්‍රාත්වරයා ඉදිරියට පමුණුවා ඇත.

පෙත්සම් විභාගයේදී පොලිසිය කියා සිටියේ රන් භාණ්ඩ සොරකමක් ගැන ප්‍රශ්න කිරීම සඳහා තරුණයා අත්අඩංගුවට ගත් බවයි. තරුණයාට පහර නොදුන් බවත් ඔහු ජීප් රථයෙන් පලා යාමට තැත් කිරීමේදී තුවාල සිදුවූ බවත් කියා සිටියේය.

පොලිසිය විසින් කරනු ලබන අමානුෂික පහරදීම් වැළැක්වීමට උපදෙස් මාලාවක් සහ ක්‍රමවේදයක් සකස් කළ යුතු බවට මීට පෙර ශ්‍රේෂ්ඨාධිකරණය නියෝග කර ඇති නමුත් ඒ සඳහා පියවර ගත් බවට ශ්‍රේෂ්ඨාධිකරණයට මෙතෙක් වාර්තා කර නැති බවත් නඩු තීන්දුවේ සඳහන් කර තිබේ.

සරත් ධර්මසේන
ඔබේ ප්‍රතිචාරය කුමක්ද?

Gossip Lanka | Gossip Lanka News | Lanka Gossip | Sinhala News

2013-2020 Gossip-LankaNews.com Email: editor(at)gossip-lankanews.com
Advertising: Contact Here Editor: Contact Here
All the content on this website is copyright protected.
www.Gossip-LankaNews.com is a Sri Lankan online news website with rich content of 24 hours updated Sri Lankan and world news Reporting in English and Sinhala language. Gossip Lanka is The premium exclusive Sri Lankan Online News Network providing around the clock breaking news in local, international, world, politics, sports, entertainment, hot gossip, event photos and Videos. We provide Sri Lanka news, Latest News updates and information, Sri Lanka Business News, Breaking news and updates, celibrity Gossip , Sri Lanka cricket news, Business and finance news, A collection of news items from many sources, Stock Market News and Discussions, Balanced Independent news provider, Breaking Hot News from Sri Lanka, Entertainment hot gossip update throughout the day, include Sri Lanka news paper articles written in Sinhala and English Language like lankadeepa, lakbima, rivira, adaderana, nethfm, mawbima, divaina, hirunews, hiru gossip, dinamina, sundayleader, dailymirror, srilankamirror, dailynews, newsfirst, lankacnews.