Jul
29
වෙරළට මිනිස් සිරුරක් ගොඩගසයි
තලෙයි මන්නාරම් පැරණි පාලම අසල මුහුදු වෙරලට නරක් වූ මිනිස් සිරුරක් 27 සවස ගොඩගසා තිබූ බවට තලෙයිමන්නාරම් පොලීසිය පවසයි.
තලෙයිමන්නාරම් පැරණි පාලම ප්‍රදේශයේ මුහුදු වෙරල ප්‍රදේශයේ නාවික හමුදාව විසින් සිදු කරන ලද පාමුර සංචාරයකදී අදාල මළ සිරුර දැක ඒ බව පොලීසියට දැනුම් දී තිබුණි.
පසුව පොලිස් නිලධාරීන් එම ස්ථානයට පැමිණ මළ සිරුර පරික්ෂා කොට ඇති අතර මළ සිරුරේ කොටසක්ම නොමැති බවටත් මිය ගොස් ඇති පුද්ගලයා කවුරුන්දැයි යන්න මෙතෙක් හඳුනා ගැනීමටද නොහැකි වී ඇත.
මසුන් ඇල්ලීම සඳහා ගිය ධීවරයෙකු දියේ ගිලීමෙන් මිය ගොස් ඇති බවටත් සිරුර නරක් වූ පසු මාලු විසින් කා දමන්නට ඇති බවට පොලීසිය සැක පල කරන අතර මන්නාරම් අධිකරණයට මේ පිළිබඳව දැනුම් දී පරික්ෂණ කටයුතු අරඹා ඇති බවටද තලෙයි මන්නාරම් පොලීසිය වැඩි දුරටත් පැවසීය.
– වන්නි රොමේෂ් මධුෂංඛ
