Facebook Official Fanpage Google+ Official Page Official Twitter Account Official Youtubue Account

Gossip - Lanka OTHTHUKARU News

Gossip - Lanka Latest News

Loading...
තරුණ හදවත් වලට ආමන්ත්‍රණය කරන හැඩකාර ටීචර් කෙනෙක් ගැන හරි හරියට කතා වෙනවා.ඇගේ නම 'සොනාලි ටීචර්'. සොනාලි ටීචර් ඉන්නේ මේ දිනවල විකාශය වන අතිශය ජනප්‍රිය 'දෙවනි ඉනිම' ටෙලි නාට්‍යයේ. අපිටත් ආසාවක් ආවා ඇයගෙන් මොනවහරි දෙයක් ඉගෙන ගන්න. ඒ ගෙවුණු සුන්දර කාලයත් එක්ක අපි අහපු ප්‍රශ්න වලට මේ වගේ පිළිතුරු තමා සොනාලි ටීචර් ගෙන් ලැබුණේ.


සොනාලි ටීචර් ට අද නිවාඩුයි ද?

ඔව්. මේ දවස්වල පොඩ්ඩක් විතර ස්කෝලෙට නිවාඩු ලැබිලා තියෙන්නේ.
සොනාලි ටීචර්ට නිවාඩු ලැබුණට නම්, ළමයි ටික මඟ බලා ගෙන ඉන්නවලු ටීචර් එනකන්.

ඔව් ඔව්. ගොඩක් අසාවෙන් ළමයි බලන් ඉන්නවා කියලා දන්නවා.

මේ වගේ හිට් වෙන චරිතයක් ලැබුණ හැටි කියමු කෝ
ඇත්තටම මෙය සාරංග මෙන්ඩිස් එක්ක මම කරන තුන්වැනි ටෙලි නාට්‍යය .

ඉස්සෙල්ලම 'මුතු වැස්ස' ඊට පස්සේ 'දේදුන්නයි ආදරේ'.දේදුන්නයි ආදරේ ටෙලි නාට්‍යයේ මම කතා බහට ලක්වෙන චරිතයක් කළා.හැබැයි මේ තරම් හිට්වුණේ නැහැ.. මාව මේ චරිතෙට තෝරා ගත්තේ ස්ක්‍රීන් ටෙස්ට් එකකින් පස්සේ. ඒ වෙලාවේ මට පුදුම හිතුණා, ඇයි මං වගේ කෙනෙක් ගෙන් ස්ක්‍රීන් ටෙස්ට් එකක් ගත්තේ කියලා. ඒත් මම ඒ අයගේ ජොබ් එකට ගොඩක් ගරු කරන නිසා මම ගියා. අන්තිමට මට 'සොනාලි ටීචර්' වෙන්න ලැබුණා.

පන්තියේ ඉන්න ළමයින්ගෙන් ටීචර් වැඩිපුරම සැර දාන්නේ කාටද?

මම හිතනවා සොනාලි ටීචර් චබියි, මයික් එක්ක තමා කේන්ති ගන්නේ. ඒ අය කරන වැඩත් එක්ක. ඒත් ඒ අයට සොනාලි හරි ආදරෙයි. හ්ම්ම්... වැඩිපුරම සැර දාන අයට තමා ගොඩක් ආදරේ.

ටීචර් ගේ ලස්සනට ළමයි ටික පාලනය කරගන්න අමාරුයි වගේ .
ඒක කියන්නත් බෑ. අලි බබාලා පාලනය කරගන්න එක තමා අමාරුම වැඩේ.

සැබෑ ජිවිතේ ඔබ හිමයා. බලාපොරොත්තුවක් තිබුණ ද 'සොනාලි' කියන චරිතයට මේ තරම් ජනප්‍රියත්වයක් ලැබෙයි කියලා?

අනේ නැහැ. තුන්හිතකවත් හිතුවේ නැහැ. හැබැයි location එකේදී මුලින්ම ඇක්ට් කරද්දී පාලිත සිල්වා ඇවිල්ලා කිව්වා, 'මේ චරිතේ ගොඩක් හිට් වෙනවා කියලා' ඒ වගේම ඩිරෙක්ටත් කිව්වා.

සමාජ ජාල වෙබ් අඩවි හරහා නම් ලැබෙන ප්‍රතිචාර ඉහළයි නේද?

අම්මෝ ඔව්... ගොඩක් ජනප්‍රියයි. ගොඩක් පෝස්ට් share වෙනවා. fb එක පුරාම සොනාලි ටීචර්ට ආදරේ කරන පෝස්ට් දකින්න පුළුවන්. සොනාලි කියන චරිතයත් එක්ක ගොඩක් අය කතා ගොතනවා. ඒක ඉතිං මට හරි සතුටක්. සමහර පෝස්ට් මගේ fb එකෙත් මම share කරනවා. මම ඒ දෙයින් අහිංසක සතුටක් ලබනවා.
ඔබව ගොඩක් සමීප රංගන ශිල්පිනියකට වඩා නිවේදිකාවක් විදියට. දැන් ඒ
නිවේදිකාව දකින්න නැහැ ?

මම කවදාවත් නිවේදන වෘත්තිය අතහැර ගන්න කැමැති නැහැ. මොකද නිවේදිකාව තමා හිමායට මොළේ දෙන්නේ. සොනාලි කරද්දීත්, මට ඒ නිවේදිකාව ගොඩක් වැදගත් වුණා. මැරෙන තුරාවට නිවේදිකාවට මගෙන් ඈත් වෙන්න දෙන්නේ නැහැ. මම තරමක් නිහඬයි. ප්‍රේක්ෂකයන් බලනවා ඇති ඇයි මම නැත්තේ කියලා. නමුත් ඉදිරියේදී හොඳ වැඩ සටහනකින් ප්‍රේක්ෂකයන් අතරට එයි.

ඇයි ඒ නිවේදිකාව එක පාරටම නිහඬ වුණේ ?

නිහඬ වුණේ, මම ඇත්තටම නිදහස් නිවේදිකාවක් විදියට වැඩ කළේ ස්වර්ණවාහිනියේ. මම 2012 ඉදල මේ වසර වෙනතුරුම වැඩ කළා. මීට මාසෙකට කලින් මම කරන ප්‍රෝග්‍රෑම් එක නතර කළා. ඒක මැනෙජ්මන්ට් එකේ ප්‍රශ්නයක් ද කියන්න මම දන්නේ නැහැ. නමුත් මම කළ හැම වැඩසටහනකටම සාධාරණයක් කළා කියන හැගීම මගේ හදවතේ තියෙනවා. ඉතිං මට මේ වෙනතුරුත් නැවත වැඩසටහනට කතා කළේ නැහැ.

නැවත ඔබට අවස්ථාව ලබා දුන්නොත් , ඒ දේ භාර ගන්නවද?

ඔව්. ස්වර්ණවාහිනිය හෝ මොනයම් ආයතනයක් හෝ හිමයා බණ්ඩාර කියන නිවේදිකාවට සුදුසු තැන ලබා දුන්නොත්, ඒ නිවේදිකාව නැවත ඉස්මතු වෙයි.

සුන්දර ආදරයක් හිමායටත් ඇති නේද?

හ්ම්.. ආදරය කියන දේ මම උපරිම විඳින කෙනෙක් මගේ ජීවිතේ ඇතුළේ. ආදරේ මොකද්ද කියලා මගෙන් අහන්න එපා. හැබයි මම ආදරේ ගැන කියන්න කැමැතියි. මොකද ජීවිතේ මගේ වැටෙන හැම හුස්මක් පාසාම මට ආදරේ කරන කෙනෙක් ඉන්නවා . එයා මට ලෝකයක් වටිනා කෙනෙක්.

කවුද ඒ ලෝකයක් වටිනා කෙනා?

ඒක හරිම අපහසු පිළිතුරක්. කවද හරි දවසක සොනාලි ට ආදරේ කරන,හිමායට ආදරේ කරන , මගේ ප්‍රේක්ෂකයන්ට එයා ගැන කියන්න දවසක් එනවා. මම එදාට අනිවාර්යෙන්ම එයා ගැන කියනවා. ඔහු ගොඩක් පිරිසක් අඳුනන, ආදරේ කරන නමක් තියෙන, රටට වැඩදායි පුද්ගලයෙක්.

හිමායා, රට හැර යනවා කියන කතාව ඇත්තක්ද?

විදෙස් ගත වෙන්න ලොකු බලාපොරොත්තුවකින් ඉන්නවා.ඒ මම ආදරේ කරන කෙනත් එක්ක වෙන්න පුළුවන්.

ඒ දේ ප්‍රේක්ෂකයන්ට කරන අසාධාරණයක් නෙමෙයිද?

මම හිතනවා යම් අසාධාරණයක් වෙයි කියලා. ඒක මම පිළිගන්නවා. නමුත් මට ඕන පෞද්ගලික ජීවිතේ ඇතුළේ හොඳ ස්ථාවරයක් ගොඩ නඟාගන්න. මම හිතන්නැහැ ඒ දේ කලාව තුළ ඉඳගෙන කරගන්න පුළුවන් වෙයි කියලා. හැබැයි දැන්ම මම යන්නේ නැහැ.

මුලාශ්‍ර - රසඳුන
අපගේ ගොසිප් පුවත් එසැණින් දැනගන්න
නිල ෆෙස්බුක් පිටුව ලයික් කරන්න

Gossip - Lanka Previous News

© 2013-2017 Gossip - Lanka News Email : editor@gossip-lankanews.com
Advertising - Contact Here Editor - Contact Here
All the content on this website is copyright protected.
www.Gossip-LankaNews.com is a Sri Lankan online news website with rich content of 24 hours updated Sri Lankan and world news Reporting in English and Sinhala language. The premium exclusive Sri Lankan Online News Network providing around the clock breaking news in local, international, world, politics, sports, entertainment, hot gossip, event photos and Videos. We provide Sri Lanka news, Latest News updates and information, Sri Lanka Business News, Breaking news and updates, celibrity Gossip , Sri Lanka cricket news, Business and finance news, A collection of news items from many sources, Stock Market News and Discussions, Balanced Independent news provider, Breaking Hot News from Sri Lanka, Entertainment hot gossip update throughout the day, include Sri Lanka news paper articles written in Sinhala and English Language like lankadeepa, lakbima, rivira, adaderana, nethfm, mawbima, divaina, hirunews, hiru gossip, dinamina, sundayleader, dailymirror, srilankamirror, dailynews, newsfirst, lankacnews.

Hot Gossip - Lanka WALPAL News

Gossip - Lanka PHOTO Gallery

Contact Gossip - Lanka EDITOR