Apr 21

දැන් ඉන්න නළු නිළියන්ගේ නම්වලින් ඔවුන්ව බොහෝ පිරිස් හඳුනන්නේ නැහැ

කාලයක් නිහඬ වෙලා හිටපු ගීතා ආයෙමත් වැඩ පටන් අරගෙන නේද?

ඔව්. නිහඬ වෙලා හිටියේ මගේ අසනීප තත්ත්වය නිසා. මගේ අතක් කැඩිලා මං මාස 6ක් විතර ඇඳේ හිටියා. මේ අවුරුද්දේ මුල ඉඳලා මම ආයෙත් වැඩ පටන් ගත්තා.

දුවලා, පැනලා අවිවේකීව හිටපු ඔබ පසුගිය කාලයේදී ලැබුණු

නිදහස් කාලය කොහොමද ගෙවා ගත්තේ?

ඇත්තටම ඒක නිදහසක් නෙවෙයි. මං ඒ කාලය ගෙවා ගත්තේ හරි අමාරුවෙන්. මගේ වැඩ මං කරගෙන ඉන්නවා නම් එතකොට මං නිදහස්. ඒත් අසනීප වෙලා ඉද්දි මගේ වැඩ ඔක්කොම මට තනියම කරගන්න බැරි වුණා. මට කවන එක, නාවන එක වගේ හැමදේම කළේ අනිත් අය. ඉතින් මං හරිම අමාරුවෙන් ඒ කාලෙ හිටියේ.

වැඩිපුරම හොයන්නේ නිදහසද? එහෙමත් නැත්නම් කාර්යබහුලත්වයද?

මෙහෙමයි. ගොඩක් කාර්යබහුල වෙද්දි හිතෙනවා පොතක් බලලා ටී.වී. බලලා නිදහස් වෙලා සැහැල්ලුවෙන් ඉන්න එක හොඳයි කියලා. හැබැයි මට වැඩක් කරන්නේ නැතිව ඉන්න බෑ. වැඩක් නොකර නිදහස හොයනවා කියන්නේ බොරු සිතුවිල්ලක්. මට එහෙම ඉන්නවා නම් ඉන්න පුළුවන් දවසයි දෙකයි.

අසනීපෙන් හිටපු කාලේ ක්ෂේත්‍රයේ අයත් ඔබව වැඩවලින් නිදහස් කරලද තිබුණේ?

නෑ. මට වැඩවලට කතා කළා. සාමාන්‍යයෙන් ඉතින් මට ගොඩක් වැඩවලට කතා කරන්නේ නෑ. මං ගොඩක් වැඩ කරන කෙනෙකුත් නෙවෙයිනේ. අද කාලේ හැටියට අදාළ තැනට යොමු කරවන්න සුදුසුම කෙනා නැතත් වෙනත් අයව දානවා. එහෙම යොදවන්නත් බොහෝ පිරිසක් දැන් ක්ෂේත්‍රයේ ඉන්නවා. එහෙම ඉන්නවටත් වඩා අවශ්‍යමයි කියන කෙනා අරගෙන කරනකන් බලාගෙන ඉන්න පුළුවන් කාලයක් නෙවෙයි මේ.

ඔබ අම්මා කෙනෙක්ගේ, අත්තම්මා කෙනෙක්ගේ වගකීම්වලත් හිර වුණ කෙනෙක්ද?

ඒ පැත්තෙන් නම් මං හරිම නිදහස්. දුව ඉන්නේ වෙනම. මං හරි නිදහස් අම්මා කෙනෙක්, අත්තම්මා කෙනෙක්. මට ඕන වුණාම මට තියෙන්නේ ගිහින් එයාලව බලලා එන්න.

අලුත් නිර්මාණවලට දායක වුණාද?

මේ වෙනකොට චිත්‍රපට දෙකක් සහ ටෙලි නාට්‍යක රූගත කිරීම් කළා. මේ දවස්වල නම් හඬ කැවීම් කටයුතුවලත් යෙදිලා ඉන්නවා.

කැලණි පාලම වේදිකා නාට්‍යයෙත් දිගටම වැඩ කරනවා. මාසෙකට තුන් හතර පාරක් එහි දර්ශනවලට සම්බන්ධ වෙනවා.

ඒ කියන්නේ ආයෙත් කාර්යබහුල වෙලාද?

මේ දවස්වල මට අවුරුදු උත්සවවල අවුරුදු කුමාරි තරගවල විනිශ්චය කරන්න ආරාධනා ලැබෙනවා. කොයිම කාලෙකදිවත් මට ක්ෂේත්‍රයේ කිනක් නම් ඉන්න ලැබිලා නෑ. මං තනිවෙලා ඉඳලත් නෑ. කලාව නිසා තමයි මං මෙච්චරකල් මෙහෙම ඉන්නේ.

ඉස්සර ඔබට ලැබුණු ප්‍රතිචාරය තාමත් ලැබෙනවාද?

ඇත්තටම ඔව්. අදටත් මගේ නමින් මාව හඳුනන මගේ රසික පිරිසක් මට ඉන්නවා. දැන් ඉන්න නළු නිළියන්ගේ නම්වලින් ඔවුන්ව බොහෝ පිරිස් හඳුනන්නේ නැහැ. අපි කලා කටයුතු නොකළා වුණත් ප්‍රේක්ෂකයෝ අපිත් එක්ක ඉන්න නිසා මට දුකක් නෑ.

වර්තමානයේ තියෙන ටෙලි නාට්‍ය රැල්ලට බොහෝ අය විරුද්ධයි.

ප්‍රවීණ ශිල්පිනියක් විදියට ඔබත් එයට විරුද්ධද?

ඇත්තටම විදේශීය රටවල ටෙලි නාට්‍යවලට හඬ කවලා අපේ රටේ විකාශනය කරනවාට මම විරුද්ධයි. නමුත් දැන් යම් තරමකට මේ තත්ත්වය අඩුයි. කාලය කා දමමින් මිනිස්සු මේවා බැලුවත් එහෙම බලන්නේ ඇයි කියලා ඒ අයත් හිතන්න අවශ්‍යයි. නමුත් එහෙමයි කියලා අපිට ඒවා වර්ජනය කරන්න බෑ. ඉහළින් මේ සම්බන්ධව තීරණයක් ගන්නවා නම් නිකන්ම මේවා නැති වෙලා යයි. අපේ අයට ටෙලි නාට්‍ය කරන්න වගේම විකාශනය කරන්න අවස්ථාව ලැබෙයි. මේ ටෙලි නාට්‍යවලට කැමැති වගේම අකැමැතියි කියන දෙපිරිසක් ඉන්නවා. අපේ රටේ රසික පිරිස මේවායේ හොඳ නරක තෝරා ගන්නවා නම් මේවායින් සිද්ධවෙන රැවටිල්ල ඉබේම නැතිවෙලා යයි.

නලිනිකා ලක්ෂාණි
ඔබේ ප්‍රතිචාරය කුමක්ද?

Dasatha Lanka | Dasatha Lanka News | Lanka Gossip | Dasatha News

2013-2020 Gossip-LankaNews.com Email: editor(at)gossip-lankanews.com
Advertising: Contact Here Editor: Contact Here
All the content on this website is copyright protected.
www.Gossip-LankaNews.com is a Sri Lankan online news website with rich content of 24 hours updated Sri Lankan and world news Reporting in English and Sinhala language. Gossip Lanka is The premium exclusive Sri Lankan Online News Network providing around the clock breaking news in local, international, world, politics, sports, entertainment, hot gossip, event photos and Videos. We provide Sri Lanka news, Latest News updates and information, Sri Lanka Business News, Breaking news and updates, celibrity Gossip , Sri Lanka cricket news, Business and finance news, A collection of news items from many sources, Stock Market News and Discussions, Balanced Independent news provider, Breaking Hot News from Sri Lanka, Entertainment hot gossip update throughout the day, include Sri Lanka news paper articles written in Sinhala and English Language like lankadeepa, lakbima, rivira, adaderana, nethfm, mawbima, divaina, hirunews, hiru gossip, dinamina, sundayleader, dailymirror, srilankamirror, dailynews, newsfirst, lankacnews.