Facebook Official Fanpage Google+ Official Page Official Twitter Account Official Youtubue Account

Gossip - Lanka OTHTHUKARU News

Gossip - Lanka Latest News

අතුල - සමිතාගේ දුව කවින්ද්‍යා අධිකාරී අපි දන්න විදිහට ගායනයෙන් තමයි ඉදිරියට එන්නේ. ඇය දැනටමත් ගීත කිහිපයක්‌ නිර්මාණය කරලා තියෙනවා. හැබැයි අපි මේ දැන් කියන්න යන්නේ කවින්ද්‍යාගේ අලුත්ම ගීතය ගැන නෙමෙයි. ඇගේ සිනමා ආගමනය පිළිබඳවයි.


කවින්ද්‍යා සිනමාවට එනවා කියලා තමයි ආරංචිය ?

ඔව්. ඒ ආරංචිය ඇත්ත.

මොකද ඒ ගැන හිතෙන්නේ ?

ඒ ගැන නම් ලොකු සතුටක්‌ තියෙන්නේ.

ඔබ මීට කලින් සිනමාවට එන්නේ නැහැ කියලා නේද කිව්වේ ?

ඔව්. එහෙම කිව්වා තමයි.

එහෙනම් ඇයි දැන් සිනමාවට එන්න අදහස්‌ කළේ ?

ජයන්ත චන්ද්‍රසිරි වැනි ප්‍රවීණ අධ්‍යක්‍ෂවරයෙක්‌ යටතේ සිනමාවට එන්න ලැබුණ හින්දා තමයි ඒ අදහසට අන්තිමේ කැමැතිවුණේ.

කවින්ද්‍යාට ජයන්ත චන්ද්‍රසිරි වැනි ප්‍රවීණ අධ්‍යක්‍ෂවරයෙක්‌ යටතේ සිනමාවට එන්න ලැබෙන්නේ. මේක ගොඩක්‌ දෙනෙක්‌ට ලැබෙන්නේ නැති අවස්‌ථාවක්‌?

අනිවාර්යයෙන්ම කියන්න ඕනෑ ඒක මම ලැබූ ලොකු භාග්‍යයක්‌. මොකද ජයන්ත චන්ද්‍රසිරි වැනි විශිෂ්ට අධ්‍යක්‍ෂවරයෙක්‌ යටතේ වැඩකරන්න ලැබීම ගැන හදවතින්ම සතුටුවෙනවා. මොකද මම මේ ක්‍ෂේත්‍රයේ හිටපු නැති කෙනෙක්‌. හැබැයි අම්මා සිනමාවට සම්බන්ධවෙලා හිටියා. ඒ වගේම මගේ ප්‍රේක්‍ෂකයන් වගේම අම්මාගේ ප්‍රේක්‍ෂකයන් සිනමාවෙනුත් මාව වැළඳගනීවි කියලා විශ්වාසයක්‌ මට තියෙනවා.

ජයන්ත චන්ද්‍රසිරි මේ ආරාධනාව කරපු ගමන් ඔබ එක පයින් කැමැතිවුණාද?

මුලින්ම අම්මාට තමයි මේ ගැන කිව්වේ.

අම්මා මොකද කිව්වේ ?

අම්මා තමයි එකවරම කැමැති වුණේ. මොකද එවැනි ප්‍රවීණ අධ්‍යක්‍ෂවරයෙක්‌ යටතේ මගේ පළමු සිනමා රංගනය සිදුකරන්න ලැබීම ගැන අම්මා ඇත්තටම සතුටුවුණා. අම්මා කැමැතිවුණ නිසා තමයි මමත් කැමැතිවුණා.

ඔබ මෙහි ප්‍රධාන භූමිකාව තමයි සිදුකරන්නේ ?

පොඩි බයක්‌ තියෙනවා. නැතිව නෙමෙයි. මොකද එක්‌වරම මේ වගේ විශිෂ්ට අධ්‍යක්‍ෂවරයකුගේ නිර්මාණයක ප්‍රධාන චරිතය ලැබෙනවා කියන එක ලෙහෙසි පහසු කටයුත්තක්‌ නෙමෙයි. නමුත් එවැනි අධ්‍යක්‍ෂවරයෙක්‌ යටතේ ඉතා සැහැල්ලුවෙන් මේ වැඩේ කරගෙන යන්න පුළුවන් වේවි කියලා මගේ ලොකු විශ්වාසයක්‌ තියෙනවා.

අධ්‍යක්‍ෂවරයාට සාධාරණයක්‌ ඉටුකරන්න පුළුවන්වේවි කියලා හිතනවාද?

මට පුළුවන්වේවි කියලා හිතනවා.

කවින්ද්‍යාත් ඉදිරියේදී වෘත්තීය නිළියක්‌ වේවිද?

එහෙම අදහසක්‌ නැහැ. මම මුලිනුත් කිව්වානේ රගපෑමට එන්නේ නැහැ කියලා. මේ වගේ ආරාධනාවක්‌ ඉවත දාන්න බැහැ. මොකද මට ලොකු ගෞරවයක්‌ ඒ වගේ අධ්‍යක්‍ෂවරයෙක්‌ සමග වැඩකරන්න ලැබීම. ඒ වුණාට සිනමා ක්‍ෂේත්‍රයට ඒවි කියලා කියන්න අමාරුයි. හැබැයි ගායනයෙන් ඉදිරියට යාවි.

ළඟදීම අලුත් ගීතයක්‌ කරන්න සූදානමින් ඉන්නවා කියන්නේ ඇත්තද?

ඔව්. ඒකත් ළඟදීම මියුසික්‌ වීඩියෝවක්‌ සමග දැකගන්න ලැබේවි.

ගායිකාවක්‌ විදිහට ක්‍ෂේත්‍රයේ

රැඳෙන්න අවස්‌ථාව තිබිලත් නිළියක්‌ වෙන්න අවස්‌ථාව උදාවුණා. මොකද ඒ ගැන හිතන්නේ ?

මම හිතන්නේ අම්මත් පුංචි කාලේම තමයි මේ ක්‍ෂේත්‍රයට ප්‍රවිෂ්ඨ වුණේ. ඉතිං අම්මිත් ගීත ගායනා කරමින් පාසල් යමින් තමයි ක්‍ෂේත්‍රයට පිවිසුණේ. ඉතිං මට හිතෙනවා අම්මාගේ තාත්තාගේ රඟපෑමේ හැකියාවන් මට පොඩ්ඩක්‌ හරි ඇති කියලා.

පසුගිය කාලයේ කිව්වා අම්මත් එක්‌ක ගීතයක්‌ කරනවා කියලා. ඒ අදහසට මොකද වුණේ ?

දැන් මම ඒ ගැන කතා කරලා කතා කරලා දිග්ගැස්‌සෙනවා. ඒ හින්දා ඒ ගැන කතා නොකරම ගීතය කරලා එළිදක්‌වන්න තමයි හිතාගෙන ඉන්නේ.

නිවේදන කටයුතුවලින් ඈත්වෙනවාද?

අපොයි නැහැ. මුලින්ම මම නිවේදිකාවක්‌ විදිහට සිරස ටීවී නාලිකාවේ වැඩසටහනකට සම්බන්ධ වුණා. දෙවැනියට මට ආරාධනාව ලැබුණේ ස්‌වර්ණවාහිනී මාධ්‍ය ජාලයේ. නිවේදනයෙන් තව ඉදිරියට යන්න තමයි මගේ කල්පනවා.

දැන් අධ්‍යාපන කටයුතුවලින් සම්පූර්ණයෙන්ම ඈත්වෙලාද?

අධ්‍යාපන කටයුතු අවසන් කරලා සංගීත උපාධිය හදාරමින් ඉන්නේ. ඒ වැඩකටයුතු තමයි මේ දිනවල සිදුකරන්නේ.

සංගීතය ක්‍ෂේත්‍රයට සම්බන්ධවීම හොඳද? නරකද?

නරකක්‌ කියලා හිතෙන්නේ නැහැ. මොකද අම්මයි තාත්තායි වෘත්තීය ගායන ශිල්පීන්. එහෙම හිතෙන්නේ නැහැ.

අම්මා වගේ ලොකු ගමනක්‌ දුවට යන්න හැකිවේවිද?

දැනටමත් අම්මාගේ සහ තාත්තාගේ රසික රසිකාවියන්ගෙන් හොඳ ප්‍රතිචාර ලැබෙනවා. අම්මාගේ තරමට යන්න බැරිවුණත් ඒ ළඟට යන්න තමයි මගේ උත්සාහය.

අම්මාත් එක්‌ක එකතුවෙලා ප්‍රසංගයක්‌ කළොත් නරකද?

ඒ වගේ අදහසක්‌ මගේ හිතේ තියෙනවා. ඒ ගැන දැන්ම කතා කරන්න බැහැ. ප්‍රසංගයක්‌ කරන්න හොඳ සූදානමක්‌ තියෙන්න එපායෑ. ඒ දේවල් ගැන ඉදිරියේදී කතා කරමු.

කවින්ද්‍යා අතුල සමිතාගේ දුව වීම ගැන ?

විශිෂ්ට ගායන ශිල්පියෙක්‌ සහ ශිල්පිණියකගේ දුව වීම මට ලොකු ගෞරවයක්‌. මම විශ්වාස කරනවා ඒ දෙන්නාගේ රසිකයන් මට ඒ විදිහටම ආදරය කරාවි කියලා.

කවින්ද්‍යා මේ දිනවල ආදරය විඳීනවා කියන්නේ ඇත්තද?

අපි ඒ ගැන පසුවට කතා කරමුනේ.

දිනේෂ් විතාන

අපගේ ගොසිප් පුවත් එසැණින් දැනගන්න
නිල ෆෙස්බුක් පිටුව ලයික් කරන්න

Gossip - Lanka Previous News

© 2013-2017 Gossip - Lanka News Email : editor@gossip-lankanews.com
Advertising - Contact Here Editor - Contact Here
All the content on this website is copyright protected.
www.Gossip-LankaNews.com is a Sri Lankan online news website with rich content of 24 hours updated Sri Lankan and world news Reporting in English and Sinhala language. The premium exclusive Sri Lankan Online News Network providing around the clock breaking news in local, international, world, politics, sports, entertainment, hot gossip, event photos and Videos. We provide Sri Lanka news, Latest News updates and information, Sri Lanka Business News, Breaking news and updates, celibrity Gossip , Sri Lanka cricket news, Business and finance news, A collection of news items from many sources, Stock Market News and Discussions, Balanced Independent news provider, Breaking Hot News from Sri Lanka, Entertainment hot gossip update throughout the day, include Sri Lanka news paper articles written in Sinhala and English Language like lankadeepa, lakbima, rivira, adaderana, nethfm, mawbima, divaina, hirunews, hiru gossip, dinamina, sundayleader, dailymirror, srilankamirror, dailynews, newsfirst, lankacnews.

Hot Gossip - Lanka WALPAL News

Gossip - Lanka PHOTO Gallery

Contact Gossip - Lanka EDITOR