Facebook Official Fanpage Google+ Official Page Official Twitter Account Official Youtubue Account

Hot Gossip - Lanka WALPAL News

Sponsored Ads

Gossip - Lanka Latest

රහස් පොලිසිය, පොලිස් මූල්‍ය අපරාධ කොට්ඨාසය සහ අල්ලස් කොමිසම සම්බන්ධයෙන් පසුගිය බ්‍රහස්පතින්දා ජනාධිපති මෛත්‍රිපාල සිරිසේන මහතා සිදු කළ දැඩි ප්‍රකාශයෙන් පසු එම ක්‍ෂේත්‍රවල දක්ෂ ලෙස දේශපාලන භේදයකින් තොරව රාජකාරි කළ උසස් පොලිස් නිලධාරීන් අතරේ නොසන්සුන්තාවක් මෙන්ම, ඔවුන් සේවා ස්ථානවලින් මාරුවීම් ලබාගෙන යෑමේ සූදානමක් ඇති බව "මව්බිම"ට දැනගන්නට තිබේ.

අල්ලස් කොමිෂමේ අධ්‍යක්ෂ ජනරාල්වරිය වන නීතිඥ ඩිල්රුක්ෂි ඩයස් වික්‍රමසිංහ මහත්මිය දැනටමත් මැලේසියාවට ගොස් සිටින අතර ඇයද ශ්‍රී ලංකාවට පැමිණි පසු තීරණාත්මක ප්‍රකාශයක් කරනු ඇති බවද දැනගන්නට ඇති අතර ජනාධිපතිවරයාගේ මෙම ප්‍රකාශය සම්බන්ධයෙන් ඇය මලේසියාවේ සිට කරුණු අධ්‍යයනයක යෙදුණු බවද වාර්තා විණි.

දේශපාලන භේදයකින් තොරව තමන්ට පවරන ලද රාජකාරිය අකුරට ඉටුකළ ඇතැම් උසස් පොලිස් නිලධාරීන්ට ඉදිරියට පරීක්ෂණ කටයුතු ගෙනයෑමේදී සිදුවන අපහසුතාවන් මෙන් ඔවුන්ට ඇති විය හැකි ජීවිත අවදානම සම්බන්ධයෙන්ද පසුගිය දින දෙක තුළ එම නිලධාරීන් උසස් පොලිස් නිලධාරීන්ගේ අවධානය යොමුකරමින් ඉදිරියේදී ගතයුතු ක්‍රියාමාර්ග සහ පරීක්ෂණ මෙහෙයවිය යුතු අන්දම ගැන උපදෙස් පතා ඇති බවද උසස් පොලිස් නිලධාරියකු පැවැසීය.

පසුගිය රජය සමයේ සිදුවී ඇති බරපතළ ගණයේ රටේ ආන්දෝලනයට ලක්වී තිබූ අපරාධ ගණනාවක් සම්බන්ධයෙන් මේ වනවිට තීරණාත්මක සන්ධිස්ථානයක් දක්වා පරීක්ෂණ තල්ලු වෙමින් පවතින මේ මොහොතේ එම පරීක්ෂණ සිදුකරන උසස් නිලධාරීන්ගේ මානසිකත්වය බිඳවැටෙන තත්ත්වයක් මතුවෙමින් තිබෙන බවද නිලධාරියා වැඩිදුරටත් සඳහන් කළේය.

මේ අතර මූල්‍ය අපරාධ කොට්ඨාසයට, රහස් පොලිසියට, අල්ලස් කොමිසමට යොමු කරනු ලබන බරපතළ ගණයේ මූල්‍ය අපරාධ සහ අල්ලස් චෝදනා පිළිබඳ පැමිණිලි මූලිකව දූෂණ මර්දන කමිටු මහ ලේකම් කාර්යාලයට යොමු කිරීමෙන් පසු එම පැමිණිලි අදාළ අංශවලට යොමු කිරීම පිළිබඳ අවසාන නිගමනයකට පැමිණෙන්නේ ඒ පිළිබඳ නීතිපති දෙපාර්තමේන්තුව නියෝජනය කරනු ලබන නියෝජ්‍ය සොලිසිටර් ජනරාල්වරයකුගේ මූලික පරීක්ෂාවෙන් පසුව බවද නීති ක්‍ෂේත්‍රයේ උසස් නිලධාරියකු පැවැසීය.
අපගේ ගොසිප් පුවත් එසැණින් දැනගන්න
නිල ෆෙස්බුක් පිටුව ලයික් කරන්න

Gossip - Lanka Previous News

© 2013-2016 Gossip - Lanka News Email : info@gossip-lankanews.com
Advertising - Contact Here Editor - Contact Here
All the content on this website is copyright protected.
www.Gossip-LankaNews.com is a Sri Lankan online news website with rich content of 24 hours updated Sri Lankan and world news Reporting in English and Sinhala language. The premium exclusive Sri Lankan Online News Network providing around the clock breaking news in local, international, world, politics, sports, entertainment, hot gossip, event photos and Videos. We provide Sri Lanka news, Latest News updates and information, Sri Lanka Business News, Breaking news and updates, celibrity Gossip , Sri Lanka cricket news, Business and finance news, A collection of news items from many sources, Stock Market News and Discussions, Balanced Independent news provider, Breaking Hot News from Sri Lanka, Entertainment hot gossip update throughout the day, include Sri Lanka news paper articles written in Sinhala and English Language like lankadeepa, lakbima, rivira, adaderana, nethfm, mawbima, divaina, hirunews, hiru gossip, dinamina, sundayleader, dailymirror, srilankamirror, dailynews, newsfirst, lankacnews.

Gossip - Lanka OTHTHUKARU News

Gossip - Lanka PHOTO Gallery

Contact News EDITOR

Sponsored Ads