Aug
05
හේරත් කැන්ගරුවෝ හඬවයි – කඩුලු ත්‍රිත්වයයි – වාර්තා රැසයි
මෙහිදී ටෙස්ට් තරඟවලදී කඩුලු ත්‍රිත්වයත් ලබාගත් වයස්ගතම ක්‍රීඩකයා ලෙස රංගන හේරත් වාර්තා පොත් අතරට එකතු වුණා.
ටෙස්ට් තරගයකදී ශී‍්‍ර ලංකාව වෙනුවෙන් කඩුලූ ති‍්‍රත්වයක් දවා ගත් දෙවන පන්දු යවන්නා වන්නේ රංගන හේරත්.මේ දස්කම කළ පළමුවැන්නා වූයේ නුවන් සොයිසායි.
එමෙන්ම ඔස්ට්‍රේලියානු කණ්ඩායමට එරෙහිව ටෙස්ට් තරඟවලදී කඩුලු 50ක් ලැබා ගැනීමට ද හේරත් මෙහිදී සමත් වු අතර මුත්තයියා මුරලිදරන්ගෙන් පසුව ශ්‍රී ලංකා ක්‍රීඩකයෙක් ඕසට්‍රේලියාවට එරෙහිව ටෙස්ට් කඩුලු 50 ලබාගත් දෙවන ක්‍රීඩකයා ලෙස ද හේරත් වාර්තා පොත් අතරට එකතු වුණා.
සංචාරක ඕසටේ‍්‍රලියානු කණ්ඩායම සහ ශී‍්‍ර ලංකා කණ්ඩාය අතර පැවැත්වෙන දෙවන ටෙස්ට් කි‍්‍රකට් තරගයේ දෙවන දිනයේ අද පෙරවරුවේ ආරම්භ වුණා. අද දිනයේ යැවූ දෙවන පන්දුවාරයේදී ඔස්ටේ‍්‍රලියානු කණ්ඩායමේ තුන්වන කඩුල්ල ලෙස උස්මන් කවජා දවා ගැනීමට දිල්රුවන් පෙරේරා සමත්වීම විශේෂත්වයක්. ඉන් පසුව යැවූ පන්දුවාරයේ පළමු පන්දුවේදී ඔස්ටේ‍්‍රලියානු නායක ස්ටීවන් ස්මිත්ගේ කඩුල්ල දවා ගැනීමට රංගන හේරත් සමත් වුණා.
